سه‌رۆككۆمارێ تركیێ ئیرۆ گه‌فا به‌فه‌ره‌هكرنا ئێریشان دا و گۆت: «ئەم دێ ئۆپەراسیۆنێن خوە بدۆمینن و هەموو دەرفەت، ئاموور و ئیمکانێن د بن دەستێ خوە دە هەتا داویێ ب کار بینن».
رەجەپ تاییپ ئەردۆگان ئیرۆ ل ئەنقەرەیێ د مەراسیما سالڤەگەرا 86ان یا مرنا مسته‌فا کەمال ئاتاتورک دە ئاخڤی.
ئەردۆگان بەحسا ئێرشێن ترکیەیێ یێن ل رۆژئاڤایێ کوردستانێ کر و ئیشارەتا کو دێ ئێرشێن نوو وەرن کرن دا.
ئەردۆگان دیار کر کو هەول تێ دایین وەلاتێ وان بێ دۆرپێچکرن و گۆت: «مە هەولا دۆپێچکرنا سینۆرێن خوە یا ژ باشوور ڤە ب رێیا حه‌ره‌كه‌ت و هەرێمێن ئەولە ب رێژەیەکە باش تێک بر».
ب سایا خوەدێ ئەم دێ د سەردەما پێشیا مە دە ل سەرانسەرێ سینۆرێن خوە وان خەلەکێن کێمێن هەرێما ئەولە تەمام بکن.
ئەردۆگان ئیدیعا کر کو «ئەمپەریالیست دخوازن ب رێیا رێخستنێن تەرۆرێ» رێیا وان یا سیاسی و ئابۆری دیار بکن و گۆت: «ئەم دێ ئۆپەراسیۆنێن خوە بدۆمینن و هەموو دەرفەت، ئاموور و ئیمکانێن د بن دەستێ خوە دە هەتا ب داویێ ب کار بینن».
ل 23 چریا پێشین ل ناڤچەیا کاهرامانکازانێ یا ئەنقەرەیێ ئێرشی شیرکەتا هەڤپارا پشەسازیا فەزا و هەواڤانیێ یا ترکان (توساشێ) هات کرن.
ترکیە پشتی ڤێ بوویەرێ ئێرشی باشوور و رۆژئاڤایێ کوردستانێ دکە.
ترکیەیێ ل رۆژئاڤایێ کوردستانێ ئێرشی سانترالێن کاهرەبا، گاز و پەترۆلێ، بەنزینخانەیان، نەخوەشخانەیان، دەپۆیێن گەنم، هۆلێن داوەتێ، فرن و ناڤەندێن تەندورستیێ کر.
ل گۆری ئامارێن رێڤەبه‌ریا خوەسەر، د ئێرشێن ترکیەیێ 17 کەسان جانێ خوە ژ دەست دا و 65 کەس بریندار بوون کو پرانیا وان سڤیل بوون.
