سەرۆکۆمارێ ترکیەیێ رەجەب تەییب ئەردۆگان راگھاند، ئۆپەراسیۆنێن لەشکەری ل سووریەیێ ھەر تم د رۆژەڤا وان دە نە و ھەر دەما کو ھەست ب مەترسیێ بکن، ئەو ئامادە نە دەست ب ئۆپەراسیۆنان بکن.
سەرۆکۆمارێ ترکیەیێ رەجەب تەییب ئەردۆگان پشتی ڤەگەرا ژ لووتکەیا COP 29 یا ل باکویێ د فرۆکەیێ دە پرسێن رۆژنامەڤانان بەرسڤاندن.
ئەردۆگان راگھاند ل سەر پرسا ئاساییکرنا پێوەندیێن لگەل سەرۆکێ سووریەیێ بەشار ئەسەد راگھاند، ئەو ھین ژی ھێڤی دکە کو لگەل بەشار ئەسەد بجڤە و ب ھەڤ رە پێوەندیێن ترکیە-سووریەیێ سەرەراست بکن.
ھەروھا گۆت، “دڤێت رێخستنێن تەرۆرێ یێن د ناڤبەرا سووریێ و ترکیەیێ دە ژناڤ ببن و بنگەھا دادپەروەری و ئاشتیەکە ماییندە ئاڤا بکن.” دا زانین ژی، وان دەستێ خوە ژ بۆ ئاساییکرنا پەیوەندیان درێژ کریە، کو ئەڤ دەست دێ دەریێ ئاشتی و ئارامیێ ل سووریێ ڤەکە.
ئەردۆگان گۆت ژی: “ترکیە ژ بۆ خاکا سووریێ نە گەفە، لێ پەکەکە، پەیەدە و یەپەگە ل سەر یەکپارچەییا ئاخا سووریێ گەفن. دڤێت بەشار ئەسەد ل سووریەیێ کەشەکە نوو چێبکە.”
ئەردۆگان دەربارێ ئەگەرا دەستپێکرنا ئۆپەراسیۆنا لەشکەری ل سووریێ و رۆژئاڤایێ کوردستانێ دە گۆت: “ئۆپەراسیۆنێن لەشکەری ژ بۆ ئەولەکاریا ترکیەیێ و ئارامیا وەلاتیێن مە، ھەر تم د رۆژەڤێ دە نە. ھەر دەما ئەم ھەست ب مەترسیێ بکن، ئەم ئامادە نە کو دەست ب ئۆپەراسیۆنان بکن.”
گۆت ژی: “ل باکورێ سووریەیێ بێ ئیستقراریەکا تام ھەیە، ئەڤ یەک بوویە سەدەم کو رێخستنێن تەرۆریست سوودێ ژ ڤێ یەکێ وەربگرن و ڤان دەڤەران بکن پەناگەھا خوە، کو ئەڤ یەک ژ بۆ ترکیەیێ مەترسیەک ئەولەھیێ یە.”
سەرۆککۆمارێ ترکیەیێ ئاماژە ب وێ ژی کر، “ھەموو ئۆپەراسیۆنێن لەشکەری یێن ل دژی داعشێ، پەیەدێ، یەپەگێ و پەکەکێ، ژ بۆ پاراستنا ترکیەیێ نە.”
