شاندەیێ تایبەتێ سەرۆکێ رووسیایێ ژ بۆ سووریەیێ ئالەکساندەر لاڤرەنتیڤ راگهاند، هەتا نها شەرت و مەرجێن هەڤدیتنا سەرۆکێن سووریە و ترکیەیێ بەشار ئەسەد و رەجەب تەییپ ئەردۆگان پێک نەهاتنە.
لاڤرەنتیڤ د هەڤپەیڤینەکێ دە لگەل ئاژانسا «تاسس» گۆت، پێوەندی د چارچۆڤەیا چارئالی دە، د ناڤبەرا وەزارەتێن بەرەڤانیێ یێن رووسیا، ترکیە، سووریە و ئیرانێ دە هەنە و دەوام دکن، لێ هین زوویە ئەو کو بەحسا هەڤدیتنا ئەسەد و ئەردۆگان بکن.
داخویانیێن لاڤرەنتیڤ پشتی گەرا بیست و دویەمینا جڤینێن ئاستانایێ یێن ل سەر چارەسەریا سووریێ ل پایتەختا کازاخستانێ هاتن و تەکەز کر، هەتا نها شەرت و مەرجێن هەڤدیتنا ئەسەد و ئەردۆگان پێک نەهاتنە.
ئەڤ یەک د دەمەکێ دەیە، سەرۆکێ ترکیەیێ رەجەب تەییپ ئەردۆگان دوهی راگهاندبوو، ئەو هین ژی هێڤی دکە کو ب بەشار ئەسەد رە بجڤە و ب هەڤ رە پێوەندیێن ترکیە-سووریەیێ سەرەراست بکن.
پێشتر ژی ئەردۆگان ئامادەبوونا خوە ژ بۆ هەڤدیتنا ب سەرۆکۆمارێ سووریەیێ رە پشتراست کربوو و دیار کربوو کو ئەو ل بەندا بەرسڤا شامێ یە.
