سەرۆککۆمارێ ترکیەیێ رەجەب تەییب ئەردۆگان دبێژە، “ترکیە د شەرێ تەرۆرا ل دەرڤەیی سینۆر دە ب بریارە.”
ئەردۆگان د دەما ڤەگەرا ژ برەزیلیایێ کو ب مەبەستا بەشداربوونا لوتکەیا لیدەرێن جی 20ێ چووبوویێ، د فرۆکەیێ دە بەرسڤ دا پرسێن رۆژنامەڤانان.
ئەردۆگان گۆت: “ئەم بریاردارن کو پرسا تەرۆرێ د دیرۆکێ دە ڤەشێرن. تەحەمولا مە ژ بۆ گەفێن ل دژی وەلاتێ مە یێن ژ پێکھاتەیێن دەرڤەیێ سینۆر رە تونەیە. ئەم چقاس ھەولێ ددن ژ بۆ ئەڤ ئاڤزێم بهێت زوهاکرن، دڤێت رێڤەبەریا سووریەیێ ژی ھەمان ھەولێ بدە.”
ھەروھا گۆت ژی: “ژ بۆ رەوشا نوویا کو ب ڤەکشینا ئامەریکایێ ژ سووریەیێ چێببە، ئەم وەکە ترکیەیێ ئامادە نە. ئەولەکاریا مەیا نەتەوەیی بەریا ھەر تشتی تێ.”
بەری ھەفتەیەکێ ژی سەرۆکۆمارێ ترکیەیێ رەجەب تەییب ئەردۆگان گۆتبوو، ئۆپەراسیۆنێن لەشکەری ل سووریەیێ ھەر تم د رۆژەڤا وان دە نە و ھەر دەما کو ھەست ب مەترسیێ بکن، ئەو ئامادە نە دەست ب ئۆپەراسیۆنان بکن.
