ل گۆر زانیاریان ئیرۆ پشتی نیڤرۆ د ئەنجاما ئێریشەکە ئەسمانی یا ئیسرایلێ ل سەر باژارێ تەدمیرا ل ناڤچەیا چۆلستانێن رۆژئاڤایێ سووریێ دە 36 کەس ھاتن کوشتن، 50 کەسێن دن ژی بریندار بوون.
ئاژانسا نووچەیان یا سووریێ راگەھاند: “ئیرۆ دەمژمێر 15:13 ئانگۆ 3یی پشتی نیڤرۆ، ئیسرایلێ ئێریشەکە ئەسمانی ل سەر باژارێ تەدمورێ ئەنجامدا و 36 کەسان ژیانا خوە ژ دەست دان، 50 کەسێن دن ژی بریندار بوون. ھەروەھا گەلەک خانیێن ل ناڤچەیێ نە زیانێن مەزن دیتنە.”
پشتی دەستپێکرنا شەرێ ل غەززە و باشوورێ لوبنانێ د ناڤبەرا ئیسرایل و حەماس و حزبوللاھێ دە ئێریش ل سەر چەند ناڤچە و پێگەھێن ل باژارێن سووریێ دە زێدە بوونە و ئارتێشا ئیسرایلێ ژی راگەھاند، ل وان جیھا ددن کو نەیارێن وان خوە لێ ڤەشارتنە.
