هەژمارا کوشتیێن ئێریشا ئیسرائیلێ ل سەر باژارێ تەدمورێ یا ل پارێزگەها حومسێ گهیشت، 61 کەسان کو 28 ژ وان، چەکدارێن ملیسێن سەر ب ئیرانێ یێن ژ رەگەزێن بیانی نە.
رەوانگەها سووری یا مافێ مرۆڤان بەلاڤ کر، فرۆکەیێن ئیسرائیلێ دوهی 20ێ مژدارێ 2 جهـ ل تاخا جمیێ یا تەدمورێ کو یەک ژ وان کۆمگەهەکە چەکانە و جهێ سێیەم ژی جڤینەکە سەرکردەیێن ملیسێن ئیرانی ل گەل سەرکردەیێن تەڤگەرا نووجەبا یا ئیراقی و سەرکردەیەکی حزبوللاها لبنانی بۆمبەباران کرن.
رەوانگەهێ دیار کر، د ئێریشان دە 61 کەس هاتنە کوشتن، ژ ناڤا وان 33 کەس وەلاتیێن سووریێ نە یێن دن ژی بیانی نە و چەکدارێن تەڤگەرا نوجەبا یا ئیراقی و هزبوللاها لبنانی نە.
ل گۆری زانیاریێن رەوانگەهێ، د ئێریشا ئیسرائیلێ دە زێدەیی 50 برینداران هەنە، 7 ژ وان سڤیلن.
ئیسرائیلێ ژ دەستپێکا ئیسال ڤە 152 جاران خاکا سووریێ کریە ئارمانج، تێ دە 273 ئارمانج وێران کرنە، 364 لەشکەر و چەکدار کوشتنە و 305 ژی بریندار بوونە. هەروها 62 سڤلی هاتنە کوشتن کوشتن و 69 سڤیل ژی بریندار بوونە.
