دادگەھا تاوانان یا ناڤدەولەتی فەرمانا گرتنێ دەربارێ سەرۆکوەزیرێ ئیسرایلێ و وەزیرێ بەرەڤانیێ یێ بەرێ و بەرپرسەکی حەماسێ دا.
دادگەھا تاوانان یا ناڤدەولەتی ئیرۆ 21 مژدارێ بریارا گرتنێ دەربارێ سەرۆکوەزیرێ ئیسرایلێ بەنیامین نەتانیاھو و وەزیرێ بەرەڤانیێ یێ بەرێ یۆاڤ گالانت دە ژ بەر “تاوانێن ل دژی مرۆڤاھیێ ل غەززەیێ” دا.
دادگەھێ ئاماژە ب وێ کر، “سەدەمێن لۆژیکی ھەنە کو ئەم باوەر بکن کو نەتانیاھو و گالانت چاڤدێریا ئێریشێن ل دژی سڤیلان کرنە و برچیبوون وەکی چەک بکار ئانینە.”
ھەروھا دادگەھێ گۆت: “بریارا گرتنا نەتانیاھو و گالانت د بەرژەوەندیا قوربانیان دەیە.”
ژ بلی نەتانیاھو و گالانت، دادگەھا تاوانان یا ناڤدەولەتی فەرمانا گرتنا ژ بۆ سەرکردەیێ د حەماسێ دە محەمەد زێف ژی دایە.
