ئیسرایلێ بەرپرسێ ئۆپەراسیۆنێن حزبوللاھێ کوشت

چاڤکانیێن ئیسرایلی ژ سکای نیوسا عەرەبی رە ئاشکەرا کرن: “ئارمانجا ئێریشا ل بەیرووتێ یا ژ ئالیێ ئارتێشا ئیسرایلێ ڤە، بەرپرسێ بەشێ ئۆپەراسیۆنێن حزبوللاھێ محەمەد حەیدەر بوویە.”

بەری نھا رۆژنامەیا تایمس ئۆف ئیسرایل راگەھاند کو بەحسا وێ یەکێ تێ کرن کو ئێریشا ل سەر بەیرووتا پایتەختا لوبنانێ یا ئیرۆ بەر ب سبەھێ ڤە دبە کو ب ئارمانجا کوشتنا سەرۆکێ گشتی یێ حزبوللاھێ نەعیم قاسم، یان ژی رێڤەبەرێ پایەبلندێ حزبوللاھێ تەلال حەمیە ھاتبە هاتبە ئەنجامدان.

ژ ئالیەکی دن ڤە ژی مالپەرا ئەل حورە یا ئامەریکایی ب زمانێ پەیامنێرەکی خوەیێ ل بەیرووتێ راگەھاند، کو “ھەتا نھا ت زانیاریەکی پشتراستکری یا دەربارێ کوشتنا نەعیم قاسم یان ژی تەلال حەمیە دە تنە.”

ھەروھا چ داخویانیەکا فەرمی ھەتا نھا ژ ئالیێ ئارتێشا ئیسرایلێ ڤە ژی ڤێ دەربارێ دە نەھاتیە بەلاڤ کرن.