شێورمەندێ بلندێ رێبەرێ کۆمارا ئیسلامییا ئیرانێ راگەھاند، “تەھران خوە ژ بۆ بەرسڤدانا ئیسرایلێ ئامادە دکە.”
شێورمەندێ بلندێ رێبەرێ کۆمارا ئیسلامییا ئیرانێ عەلی لاریجانی ژ بۆ ئاژانسا تەنسیمێ یا نووچەیان یا ئیرانی راگەھاند، “پەیامەکە گرنگ ژ رێبەرێ بلندێ کۆمارا ئیسلامی یا ئیرانێ عەلی خامنەیی ب سەرۆکێ سووریەیێ بەشار ئەسەد و سەرۆکێ پەرلەمانا لبنانێ نەبی بەری ھاتیە گەھاندن، کو تێ دە بەحسا پرسێن گرێدایی رەوشا نھایا ھەر دو وەلاتان کریە.”
شێورمەندێ بلندێ رێبەرێ کۆمارا ئیسلامییا ئیرانێ ئاماژە ژی دا، “وێ پەیامێ ھزر و چارەسەری ژ بۆ رووبرووبوونا ئاستەنگێن نھا ڤەگرتنە.” لێ رەد کر کو ھوورگلیێن دن ئەشکەرە بکە.
عەلی لاریجانی رۆن ژی کر، “وێ پەیامێ بەرسڤەکە ئەرێنی وەرگرتیە، ھێڤیا خوە دیار کر کو تەڤلی بھێزکرنا چارەیێن کو ھاتنە پێشنیارکرن و بەردەوامبوونا ل سەر وێ رێیێ ب ئاوایەکی بەردەوام ببە.”
ناڤبری پێشتر ژی د داخویانیەکێ دە راگەھاندبوو، “ئارمانجا ئیسرایلێ ئەوە کو ھەڤرکیان ڤەگوھێزە ئیرانێ، پێدڤییە ئەم ب ئاوایەکی ژیرانە سەرەدەریێ بکن ژ بۆ کو ئەم نەکەڤن ناڤ ڤێ تەلھێ و ب ئاوایەکی خراب بەرسڤێ نەدن.”
شێورمەندێ بلندێ رێبەرێ کۆمارا ئیسلامییا ئیرانێ تەکەز ژی کر، “لڤین و کارڤەدانێن مە ژ ئالیێ ستراتەژیک ڤە دیارکری نە، لەوما دڤێت ئەم خوە ژ ھەر بەرسڤدسانەکە دلانی یان ژی ھزرکرنەکە خراب دوور بکن.”
