سەرۆکێ مه‌هه‌پێ ده‌وله‌ت باخچه‌لی گۆت: “ئەم ل بەندێنە کو د ناڤبەرا ئیمرالی و گرووپا دەم پارتیێ دە هەڤدیتنەکە روو ب روو چێببە، ئەم بانگا خوە ب بریاری دوبارە دکن”.
سەرۆکێ مه‌هه‌پێ ده‌وله‌ت باخچه‌لی د جڤینا کۆما مه‌هه‌پێ یا ل پارلامەتۆیێ دە ئاخڤی و رۆژەڤێ نرخاند. ده‌وله‌ت باخچه‌لی گۆت: “تێرا خوە زەحمەت هاتیە کشاندن، ئێش چێبوونە، چەک نە بژاردەیە، سیاسەتا هەمبێزکرنێ ئارمانجا مەیە”.
باخچه‌لی بال کشاند سەر ریسکا شەرێ جیهانێ یێ 3یەمین و وها ئاخڤی: “سیاسەتا مە ئالیگرێ ئاشتیێ یە، دەردۆرا ترکیەیێ ب چەک، مووشەک و شەرێن نفشێن نوو بە هاتیە دۆرپێچکرن. بزانبن کو چاڤێ هەر کەسی ل سەر مەیە. کۆمارا ترکیێ هیمێ بنگەهینێ جیهانێ یە”.
باخچه‌لی گۆت: “مه‌هه‌په ل پەی هەر گۆتنێن خوەیە. 22یێ چریا پێشین مە د جڤینا کۆما خوە دە چ گۆتبە ئەم هێ ژی پەین. ئەم بانگا خوە ب بریاری دوبارە دکن، ت تێکلیا برایێن مەیێن کورد ب تەرۆر و رێخستنا تەرۆرێ رە تنە و نابە. دڤێ ئەم دەست بدن هەڤ و تەرۆرێ ژ رۆژەڤا خوە دەرخن”.
