پۆلیسێن بریتانیایێ راگهاندن، وان شەش ئەندامێن پارتیا کارکەرێن کوردستانێ (په‌كه‌كێ) یا قەدەغەکری گرتنە.
پۆلیسێن بریتانیایێ ژ ئاژانسا «رۆیته‌رزێ» رە راگهاندن، وان 6 کەس ب تۆمەتا ئەندامه‌تیا په‌كه‌كێ گرتن. کەسێن هاتنە گرتنە، 4 مێر و 2 ژنن، کو تەمەنێ وان د ناڤبەرا 23 و 62 سالیێ دە نە.
بەرپرسا کاروبارێن فەرمانداریا پۆلیسان هێلن فلاناگان وه‌ها گۆت: «پشتی کو مە پشتراست کر کو ئەڤ کەس ئەندامێن په‌كه‌كێ نه، مە ئەو دەستەسەر کرن».
دا زانین ژی: «ئەڤ ئۆپەراسیۆن پشتی لێپرسین و ئۆپەراسیۆنەکە مەزن ل سەر چالاکیێن کو ب باوەریا مە گرێدایی په‌كه‌كه یا تەرۆریستن، هات کرن».
پۆلیسێن بریتانی گۆتن: ئەو لێگەرینان ل 8 ئاڤاهیێن ل سەرانسەرێ لۆندۆنێ دکن، د ناڤ دە ناڤەندا جڤاکا کورد یا ل باکورێ لۆندۆنێ هەیە، کو ئەگەرە هەتا دو هەفتەیان وەرە گرتن.
