سەرۆکێ گشتی یێ پارتیا رەفاحێ فاتیح ئەرباکان د چارچۆڤەیا شەشەمین سالڤەگەرا دامەزراندنا پارتیا خوە دە “جڤینا چاپەمەنیێ” ل دار خست و پرسێن رۆژنامەگەران یێن د رۆژەڤێ دە بەرسڤاند.
ژ ئەرباکان پرسەک ھات کرن:
پرس: وە بەرێ ژی گۆتبوو ھوون ئالیگرێ چارەسەریێ نە. ھوون چارەسەریەک چاوا دخوازن؟ ھوون ل سەر داخوازا باخچەلی یا ھەڤدیتنا ئیمرالیێ و ئۆجالان چ دفکرن؟”
ئەرباکان: ئەم ب توندی ل دژی ئاخافتنا ئۆجالان یا ل مەجلیسێ نە. چ دانووستاندن ب سەرکردەیەکی تەرۆریست رە نایێ کرن.
“کەسێ کو دوھ وەکە لیدەرەکی تەرۆریست و کوژەرێ زارۆکان ئیلان کرن، ئیرۆ وەکە دەستھلاتداریا موزاکەرەیێ دبینن. ئەم ب توندی ل دژی مژارێن وەکی ئازادیا ئۆجالان یان ژی ھاتنا وی یا ل پارلامەنتۆیێ نە. پێنگاڤەک وھا بێحورمەتی ل بیرئانینا شەھیدێن مە دکە و دەولەت و ملەتێ مە بێچارە خویا دکە. ئەڤ تێ واتەیا کو، مە 40 سال تێکۆشین کر، ب سەر نەکەت، وەرن مە خلاس بکن.
ئەڤ ژی نێزیکاتیەکە کوورە کو مرۆڤ بفکرە دێ پەکەکە تەنێ ب بانگا ئۆجالان چەکان دەینە. ھەر وھا نیشان دان کو ب ئێریشا توساسێ یا د وان رۆژان دە نیەتا وان تونە کو چەکان دەینن.
پرسگرێکا مەیا سەرەکە ھەبوونا پەیەدێ و یەپەگێ یە. ل کێلەکا مە ئارتێشەکە تەرۆریست ھەیە. ھەر جورە چەک و ئالاڤێن وان ھەنە. مە دیار کر کو کەسێن د بن سیوانا پەکەکێ دە نە بەسە کو چەکان بەرنەدن. ئەم دبێژن ئەم ب توندی ل دژی ئازادیا ئۆجالان، مافێ وی یێ ھێڤیێ و ئاخافتنا وی یا ل مەجلیسێ نە.
“دڤێت گەلێ ھەرێمێ مافێ خوە ب دەست بخە”
“مافێن کو گەلێ مە ژ ھەموو پێکھاتەیان بێپارن و دخوازن ب پارتیێن سیاسی، گەل و سەرۆکێن عەشیرێن ھەرێمێ رە بێن گۆتووبێژکرن. نە گونجاوە کو مرۆڤ خیتابی ئۆجالان بکە. دڤێت موزاکەرەیێن کو زرارێ نەدە یەکپارچەبوونا ترکیەیێ بێ کرن. ب راکرنا قاتلێ ب ھەزاران گەلێ مە ئۆجالان رە موزاکەرە نایێ کرن.
گەر پێڤاژۆیەک چارەسەریێ ھەبە بلا ببە، گەر تێ کرن بلا بێ کرن. دڤێت گەلێن ل وێ ھەرێمێ مافێن کو ژ وان بێپارن بێن دایین. بلا ھەر وەلاتی ببە خوەدی مافێن وەکھەڤ. “ئەم ژ دانووستاندنێن لگەل سەرۆکێ تەرۆریستان گرتی نە.”
“باخچەلی دخوازە ئەردۆگان دیسا ببە سەرۆکۆمار”
“پشتی مایینێن کو ژ ئالیێ باخچەلی ڤە ھاتن تەقاندن ل سەر مەدیایا جڤاکی شیرۆڤەیێن جودا تێن کرن. باخچەلی ڤان تشتان دبێژە، لێ ماین ژی د ناڤ لەپێن وی دە دتەقە. دفکرین کو ب خوەدیکرنا سەرۆکەکی کو ئەڤ 50 سالن ب رێیا وەلات و ملەتێ خوە سیاسەتێ دکە، دێ گەل رازی بکن.
ئەز نە باوەرم کو باخچەلی بێیی ئاگاھیا ئەردۆگان داخویانیان بدە، گاڤان باڤێژە. ب ئاکتۆرەکی نەتەوپەرەست پێڤاژۆیەکە وھا دان دەستپێکرن و ب یەکتیێ دەوام دکن. ل ئالیێ دن باخچەلی گۆت چما ئەڤ ئینسیاتیف کریە و خوەستیە ئەردۆگان جارەکە دن بکە نامزەد. وی گۆت کو ئەو دخوازن ب 50 زاید 1 پشتگرییا کۆما پارتییا دەمێ وەربگرن، گەر کو دەرفەت ھەبە و ئەو دخوازن گوھەرتنێن دەستووری یێن پێویست بێیی رەفەراندومێ بکن. دخوازە ئەردۆگان دیسا بکە سەرۆککۆمار.
ژ ئالیەکێ ڤە دەما دبێژن “دایک نەگرن” ب راستی ژی ئارمانجا خوە یا راستی تینن زمان.
“زمانێ زکماکی مافە”
ئەربەکان، دیار کر کو ئەو ئالیگرێ کیژان چارەسەریێ نە، دەستنیشان کر کو دڤێت رێ ل پێشیا ھەر کەسێ کو دخوازە فێری کوردی ببە بێ ڤەکرن. وی پێشنیارێن خوە وھا راڤە کرن:
“پەروەردەیا ب زمانێ دایکێ مافەکە. زمانێ پەروەردەھیێ ل دبستانێن فەرمی ترکییە، لێ کوردی دکارە ببە دەرسا ھلبژارتی یان ژی ل زانینگەھێن تایبەت بێ دایین. دڤێت د دەستوورا بنگەھینا مە دە پێناسەیا وەلاتیبوونێ نەیێ گوھەرتن، رێڤەبەریێن ھەرێمی بێن خورتکرن. ژ بەر ڤێ یەکێ یەکتی و ھەڤگرتنا ترکیەیێ حەلال نابە. زمانێ مەیێ رەسمی ترکییە، ناگوھەرە. زازاکی، ئالبانی، گورجی ھەیە. “گەر ئەڤ ھەمی فەرمی ببن، دێ ئاژاوە چێببە.”
