هاکان فیدان: دەستێ ترکیەیێ د شەرێ ل حه‌له‌بێ دە نینە

وەزیرێ دەرڤەیێ ترکیێ هاکان فیدان دبێژە، دەستێ وان د شەرێ حه‌له‌بێ دە نینە. تەکەز کر ژی، ترکیە رێ نادە ت رێخستنەکە تەرۆریست ل هەرێمێ ببە دەولەت.

مەدیایا ترکیەیێ ئیرۆ 30ی مژدارێ بەلاڤ کر، فیدان تەکەزی ل سەر پابەندبوونا ترکیەیێ ب یەکپارچەییا ئاخا سووریەیێ کر و هشیاری دا ئامەریکایێ کو پشتەڤانیا «رێخستنێن تەرۆریست» دکە.

وەزیرێ دەرڤەیێ ترکیەیێ گۆت ژی: «ترکیە رێ نادە ت رێخستنەکە تەرۆریست ل هەرێمێ ببە دەولەت».

فیدان د بەرسڤا پرسەکە دەربارێ حه‌له‌بێ دە گۆت: «دەستێ ترکیەیێ د شەر و پەڤچوونێن ل حه‌له‌بێ دە نینە».

ئەڤ یەک پشتی وێ تێ، چەکدارێن دەستەیا تەحریر ئەل-شام (ئەنیا ئەل-نوسرا یا بەرێ) و هەڤالبەندێن وێ ئیرۆ کەتن باژارێ حه‌له‌بێ و هەژمارەک مەزن ژ تاخێن وێ کۆنترۆل کرن.

ئارتێشا سووریەیێ ژی گۆت کو ڤەکشینا وێ ژ چەند ئەنیێن ل حه‌له‌ب و ئدلبێ «دەمکی»یە و ئەو خوە ژ بۆ ئێریشەکە بەروڤاژی ئامادە دکە.