بالافرێن شه‌ر كو گۆمان تێ كرن یێن رووسیایێ بن، دۆریانا ب ناڤێ ئه‌لباسل ل ناڤه‌ندا باژارێ حه‌له‌بێ بۆردۆمان كر، 16 سڤیل كوشتن و 20 بریندار كرن.
روانگه‌ها سووری یا مافێن مرۆڤان ئیرۆ رۆژا شه‌می 30 مژدارا 2024ێ راگه‌هاند كو بالافرێن شه‌ر كو گۆمان تێ كرن یێن رووسیایێ بن، دۆریانا ئه‌لباسل ل ناڤه‌ندا حه‌له‌بێ كو جیهه‌كێ هه‌ری قه‌ره‌بالغه بۆردومان كر، 16 كه‌س كوشتن و 20 بریندار كرن.
ده‌ستنیشان كر، ژ ده‌ستپێكا شه‌رێ ل حه‌له‌بێ كو ئه‌ڤ سێ رۆژه ده‌وام دكه، 327 سڤیل و چه‌كدار هاتنه كوشتن، ژ ڤێ هه‌ژمارێ، 155 ژ چه‌كدارێن ملیسێن ته‌حریر ئه‌لشام «ئه‌نیا نوسره» نه، 28 ژ ئارتێشا نشتیمانی نه، 100 ژ ئارتێشا سووریێ و ملیسێن گرێدای وێ، 67 سڤیل ژی هاتنه كوشتن.
