دەستەیا تەحریر ئەل-شام پشتراست کر کو وێ چەند گوند و باژارۆک ل باکورێ حەمایێ کۆنترۆل کرنە و دا زانین کو ئەو نھا کۆنترۆلا خوە ل گوندەوارێ باکورێ حەمایێ بەرفرەھ دکە.
رەوانگەھا سووری بۆ مافێن مرۆڤان بەلاڤ کر، دەستەیا تەحریر ئەل-شام و گرووپێن ھەڤالبەندێن وێ کارین گەلەک گوند و باژارۆکێن باکورێ حەمایێ کۆنترۆل بکن، ژ وان حلفایا، مۆرک، ئەل-لەتامینە، کەفر زیتا، کەلەھا ئەل-مەدیق، کەفر نەبوودە، کەرناز، لەھایا، ئەل-بووەیدا، لاتمین، سۆران، ئەل-موگێر، مەردەبەس، پشتی ڤەکشینا بلەزا ھێزێن رەژیمێ ژ وان.
دا زانین ژی، ھێزێن رێژیمێ جھێن خوەیێن لەشکەری ژ نوو ڤە رێز کرن و خالێن نوو ل سەر دەروودۆرا باژارێ حەمایێ و گوندەوارێ وێ یێ باکور دانین، ب ئارمانجا بھێزکرنا دۆرپێچا ئەولەکارییا باژێر و رێگرتن ل ھەر ھەولەکە کەتنا دەستەیا تەحریر ئەل-شام ناڤا حەمایێ.
دیار کر ژی، رێژیمێ ھێزەکە مەزن د ناڤ وان دە، ھێزێن تایبەتێن گرێدایی سوحێل ئەل-حەسەن، شاندن جھێن ستراتەژیک ل چیایێ زەین ئەل-عابدین، تیبێت ئەل-ئیمام، قەمحانا، و خەتتابێ.
ئەڤ یەک پشتی وێ تێ، چەکدارێن دەستەیا تەحریر ئەل-شام (ئەنیا ئەل-نوسرەیا بەرێ) و ھەڤالبەندێن وێ دوھی کەتن باژارێ حەلەبێ و ھەژمارەک مەزن ژ تاخێن وێ و فرۆکخانەیا ناڤدەولەتییا حەلەبێ کۆنترۆل کرن.
