وەزیرێ دەرڤەیێ ئیرانێ دبێژە، تەڤگەرا چەکداری یا ڤان چەند رۆژێن داوی کو ژ ئالیێ گرووپێن چەکدار یێن ل سووریێ ڤە پێکتێ، ئامەریکا و ئیسرایل ل پشتە و ب ئارمانجا تێکدانا ئاساییشا ل ناڤچەیا رۆژئاڤایێ ئاسیایێ پێکتێ.
ئاژانسێن ئیرانێ راگەھاندن کو وەزیرێ دەرڤەیێ ئیرانێ عەباس ئیراقچی د پەیوەندیەکە تەلەفۆنێ یا ل گەل ھەڤتایێ خوەیێ رووسی دە بەحسا رەوشا ناڤچەیێ و گوھەرتنێن ڤێ داویێ یێن ل سووریێ کرنە.
د وێ پەیوەندیا تەلەفۆنی یا وەزیرێ دەرڤەیێ ئیرانێ عەباس ئیراقچی و وەزیرێ دەرڤەیێ رووسیایێ سێرگی لاڤرۆڤ دە، ئیران و رووسیا پشتەڤانیا خوەیا ژ بۆ سەروەری و یەکپارەییا ئاخا سووریێ دیار کرنە و راگەھاندنە کو ل گەل گەفخوارنا گرووپێن تەرۆریستی نابن.
ھەردو وەزیرێن دەرڤەیێن ئیران و رووسیایێ بەحسا وێ یەکێ ژی کرنە کو پێویستە ھەماھەنگی د ناڤبەرا ئیران، رووسیا و ترکیێ دە ھەبە و دووڤچوونێ ل سەر رەوشا سووریێ بکن.
وەزارەتا دەرڤەیا ئیرانێ راگەھاند، وەزیرێ دەرڤە عەباس ئیراقچی بەری بچە ئەنقەرەیێ و دانووستانێ دەربارێ رەوشا نھایا سووریێ و ناڤچەیێ دە بکە، دێ سەردانا شامێ بکە.
