پشتی بپێشکەتنێن داوی یێن ل سووریەیێ، رێڤەبەریا خوەسەرا رۆژئاڤایێ کوردستانێ سەفەربەریا گشتی ئیلان کر و راگهاند، ئەم بانگی جوانێن خوە دکن کو ل دەردۆرا هه‌سه‌دێ کۆم ببن و بانگی گەلێ خوە دکن کو هەر تم ئامادە بن.
27ێ چریا پاشین کۆمێن گرێدایی هەیەتا تەحریر ئەل شامێ ئێرشی پارێزگەهێن ئیدلب و حه‌له‌بێ کر. ل هنەک هەرێمان ژی د ناڤبەر هه‌سه‌دێ و کۆمێن چەکدار دە شەر و پەڤچوون دەردکەڤن.
پشتی ڤان پێشكه‌تنان رێڤەبەریا خوەسەر سه‌فه‌ربه‌ریا گشتی ئیلان كر و د داخویانیا خوە دە وها گۆت:
“د دەستپێکێ دە ئەم ئێریشێن دەولەتا ترک و چەتەیێن وێ یێن ل دژی خاکا سووریێ شەرمەزار دکن و بەرخوەدانا دیرۆکی یا گەلێ مەیێ ل حه‌له‌ب و شەهبایێ سلاڤ دکن.
ئەڤ ئێرشا دەولەتا ترک بەردەوامیا پلانا ترکیە-داعشێ یە کو تێ دە تێک چوونە.
ئارمانجا وێ داگیرکرنا سووریەیێ و بدەستخستنا سینۆرێن میساق-مللی یە کو دەولەتا ترک گەلەک جاران ژ بۆ پێک ئانینا وێ دخەبتی.
ئارمانجا ڤێ ئێرشێ داگیرکرن و پارچەکرنا سووریەیێ یە دا کو وێ بکن ناڤەندا تەرۆرا ناڤنەتەوەیی یە.
ئارمانجا ئێرشا کو ژ حه‌له‌ب و حەمایێ دەست پێ کر نە تەنێ هەرێمەک بوو، تەڤاهیا سووریەیێ بوو.
ژ بەر وێ ژی ئەم بانگی هەموو گەلێن خوە یێن ل باکور و رۆژهلاتێ سووریەیێ دکن کو زانبن کو یەک ژ ئارمانجێن ڤێ ئێرشێ ئەوە کو هێڤیێن گەلێ سووریەیێ د ژیانەکە ب روومەت و ئازاد دە بن پێ بکن و رێڤەبەریا خوەسەریا دەمۆکراتیک تونە بکن و خاکێن نوو تەڤ ل ترکیەیێ بکن.
ژ بەر ڤێ یەکێ ژی دڤێ ئەم وەکی عەرەب، کورد، سوریان، ئاسوور و ترکمەن ل هەمبەری ڤان ئێرشان دەستێ خوە بدن هەڤ و یەکیتیا خوە خورت بکن.
هەر وها ئەم بانگی جوانێن خوە دکن کو ل دەردۆرا هه‌سه‌دێ کۆم ببن. ئەم قۆناغا سەفەربەریا گشتی رادگهینن و بانگی گەلێ خوە دکن کو هەر تم ئامادە بن.
د سەری دە سازیێن مە دڤێ ل سەر کارێ خوە بن و د ناڤا رەوشەکە هشیاریێ دە بن و هەر سازیەک وەکی شانەیەکە کریزێ کار بکە.
ئەم بانگی جڤاکا ناڤنەتەوەیی دکن و دبێژن کو ئەڤ ئێرش دێ ب خوە رە کارەساتەکە مرۆڤی بینە و ئەڤ گەف دێ نە تەنێ ل دژی
