پشتی کو کۆمێن تەحریر شام حەلەب ژ ئارتێشا سووریەیێ ستاندی، چەکدارێن ئارتێشا نەتەوەیی یا سووریەیێ ئێریشی پەیەدێ/هەسەدێ کرن و دەرباسی تل رەفعەتێ بوون. ھات ئیدیعاکرن کو ھێزێن ئۆپۆزسیۆنێ ل دژی منبجێ یا کو د بن کۆنترۆلا پەیەدێ/هەسەدێ دایە، ئامادەکاریا ئۆپەراسیۆنەکە بەرفرەھ دکرن.
چەکداران ب پشتگریا تانک و چەکێن گران تەل رەفعەت دۆرپێچ کرن، پشتی پەڤچوونێن دژوار بالافرگەھا منناغ یا گرینگ یا ستراتەژیک ب دەست خستن. کۆم پشترە دەرباسی تل رەفعەتێ بوون و دانێ ئێڤارێ دەرباسی باژارۆکێ تەل رەفعەتێ بوون. ھات دیارکرن کو، کۆمێن چەکدار دەرباسی ناڤا باژێر بوونە و ب درووشمەیێن تەکبیرێ و گولەبارانا چەکێن خوە پیرۆزباھیێ دکن.
ژ ئالیەک دن ھات زانین کو، هەیئەت تەحریر ئەل-شامێ داخواز ژ هەسەدێ کر کو ژ تاخێن ئەشرەفیە و شێخمەقسوود یێن حەلەبێ دەرکەڤن. ھات دیارکرن کو گەر ئەڤ تەکلیف بێ قەبوولکرن دێ ھێزێن چەکدار ب سلامەتی ژ باژێر دەرکەڤن و ل سەر رێیا رەقایێ بێن دانین. ل گۆری ئاگاھیێن کو ھێ نەھاتنە پشتراستکرن، ھات ئیدیعاکرن کو ئەڤ تەکلیف ژ ئالیێ کۆمێن پەیەدێ/هەسەدێ ڤە تێ نرخاندن و موزاکەرە دەوام دکن.
ھەسەدێ، ل باکور و رۆژھلاتێ سووریەیێ دەڤەرێن د بن کۆنترۆلا خوە دە سەفەربەریا گشتی راگھاند. ھات راگھاندن کو سەرفەرماندارێ گشتی یێ ئارتێشا سووریەیێ عەبدولکەریم مەحموود ژ بۆ برێڤەبرنا ئۆپەراسیۆنێن لەشکەری یێن ل باکورێ حەمایێ ھات باژارۆکا کامھانا. ھات دیارکرن کو سەرئەرکان مەحموود ل ھەرێمێ ژ بۆ ئارتێشێ کۆم بکە و ل دژی هەیئەت تەحریر ئەل-شام ئێریشەکە کۆنترا بکە ئامادەکاریێن خوە دکە.
