رەوانگەھا سووری بۆ مافێن مرۆڤ ئەشکەرە کر کو کۆمێن سەر ب ترکیێ ڤە ل حەلەب و شەهبایێ تاوان و بنپێکرنێن دژی مرۆڤاتیێ کرنە، ئەڤ د دەمەکی دە یە کو هەیانی نها تۆرا پەیوەندیان و ئەلەکتریکێ ل سەر وەلاتیێن دۆرپێچکری ل دەڤەرا شەھبا و گوندەوارێن باکورێ حەلەبێ هاتینە قوتکرن.
رەوانگەھا سووریێ بۆ مافێن مرۆڤا تەکەز کر کو چەکدارێن ئالیگرێن ترکیێ ژنەک و ھەری کێم 10 مێر ل دەڤەرا شەھبا سەرژێ کرن، د ھەمان دەمێ دە ئاگاھی دەربارێ تاوانێن دنێن کو ل دژی سڤیلێن دۆرپێچکری تێن کرن بەر دەستن.
رەوانگەهێ هەر وەها ئەشکەرە کر، کۆمێن ئالیگرێن ترکیێ دو خۆرتێن کورد گرتن و پشترە ژ وان خوەست ل جھێن دیارکری ل ئەحراس، دێر جەمیل و شیراوێ بسەکنن، ژ بۆ کو ئامادەکاریا ڤەگوھەستنا وان بێ کر و ژ بۆی جیهەکی دن بێن ڤەگوهەستن، لێ بەلێ، دەما کو ئەندامێن کۆمێن گرێدایی ترکیەیێ دەستێن خۆرتان گرێداین، ب ئاوایەکی ھۆڤانە ل مەیدانان دەستدرێژی ل وان کرن و ئەو کوشتن.
