سەرۆکێ کۆرەیا باشوور یۆن سوک یۆل رۆژا سێشەمبێ رەوشا ئاوارتەیا لەشکەری راگھاند “بۆ پاراستنا وەلات ژ ھێزێن کۆمونیست” و پارلامەنتۆ راوەستاند.
سەرۆکێ کۆرەیا باشوور یۆۆن سوک یۆل، د داخویانیەکی دە ئاماژە ب پێشنیارەکا پارتیا دەمۆکراتا ئۆپۆزیسیۆنێ کر کو ژ بۆ راکرنا دۆزگەران و رەدکرنا پێشنوومەیا بودجەیێ یا حکوومەتێ د پارلامەنتۆیێ دە پرانیێ ئاڤا دکن.
سەرۆکێ کۆرەیا باشوور رادگەھینە، ژ بۆ پاراستنا کۆرەیا باشوور یا لیبرال ژ گەفێن ھێزێن کۆمۆنیست یێن کۆرەیا باکور و بەرخوەدانا ھێزێن سەرھلدێر یێن ل دژی دەولەتێ، رەوشا ئاوارتە و ھەوارچوونێ رادگەھینە.
سەرۆکێ کۆرەیا باشوور، پارتیا دەمۆکراتا ئۆپۆزسیۆنێ وەکی سەمپاتیکا کۆرەیا باکور و سەردەستا پارلامەنتۆیێ ب ناڤ کر.
وەزیرێ بەرەڤانیا کۆرێ کیم یۆنگ-ھیون فەرمان دا جڤینا رایەدارێن پایەبلند کو ھشیار بن و پێشی ل ھەولدانێن ھێزێن کۆمونیست بگرن.
سەرۆکێ کۆرەیا باشوور کو تێ گۆتن د چەند مەھێن بۆری دە ئاستا جەماوەری ل وی وەلاتی دە کێم کریە، ھێزا وی یا مەشاندنا پرۆژەیێن وی د پارلامەنتۆیێ دە ژ بەر باندۆرا ئۆپۆزیسیۆنا وی وەلاتی گران بوویە و ئەو ژی بوویە پرسگرێک.
پارتیا دەستھلاتا گەل یا پارێزگاران کو سەرۆک د وێ پارتیێ دەیە، ل گەل پارتیا دەمۆکراتا ئۆپۆزیسیۆنێ د دەربارێ پرۆژە یاسایا بوودجەیێ گەھشتنە ئاستا ھەری ژێر و ئەو ژی بوویە سەدەما داخستنا پارلامەنتۆیێ ژ ئالیێ سەرۆک ڤە.
