بالافرێن شەری یێن ئه‌مه‌ریكایێ چەند جهێن گرێدایی دەستەیێن چەکدارێن شیعەیان ل ئەل بوکەمالێ ل نێزی سنۆرێ سووریە و ئیراقێ بۆمبەباران کرن.
بالافرێن شەری یێن ئه‌مه‌ریكایێ چەند جهێن گرێدایی دەستەیێن چەکدارێن شیعەیان ل ئەل بوکەمالێ ل نێزی سنۆرێ سووریە و ئیراقێ ل دەڤەرێن ئەل جەلا، ئەل خەبرا، ئەل سیال، هەسەرات و كه‌مه‌را کەسک ل دەڤەرا ئەل بوکەمالێ بۆمبەباران کرن.
رەوانگەها سووریەیی یا مافێن مرۆڤان راگەهاند، «ئێریشان جهێن ئالیگرێن ئیرانێ کرنە ئارمانج و هەتا نها چ زانیارەک ل سەر زرارێن مرۆڤی نەهاتیە راپۆرتکرن».
رەوانگەها ناڤبری هەروەسا گۆت، «ژ بەر ئێریشا بالافرێن شەری یێن ئه‌مه‌ریكایێ ل سەر جهێ لیوایا 104ێ یا سووریەیی، شەش سەرباز ل سنۆرێ دەردۆرا بالافرخانەیا سەربازی یا دێرازۆرێ مرنە».
هەر وێ چاڤکانیێ ئاماژە ژی دا، «بالافرێن شەری یێن ئه‌مه‌ریكایێ دەست ب هەلەمەتەکە گران بۆ سەر هەفت گوندان ل رۆژهلاتا فراتی کر، هەروەسا جڤاتا سەربازی یا منبجێ ژی بزاڤ ژ بۆ کۆنترۆلکرنا وان کر».
