رۆژنامەیا «نیویۆرک تایمز» ل زارێ بەرپرسێن هەرێمی و ئیرانی راگهاند، تەهرانێ دەست ب ڤەکشاندنا فەرماندارێن خوە یێن لەشکەری و کارمەندێن بالیۆزخانە و کۆنسولخانەیا خوە یا ل شامێ کریە.
ل گۆری رۆژنامەیا ئامەریکی «نیویۆرک تایمز»، هنەک ژ فەرماندارێن پایەبلندێن سوپایا قودسێ یا سەر ب پاسدارێن ئیرانێ ڤە، ژ سووریەیێ بۆ ئیراق و لبنانێ هاتنە ڤەگوهەستن. هن ئەندامێن سوپایا پاسداران، کارمەندێن بالیۆزخانەیا ئیرانێ، مالباتێن وان و هەژمارەک ژ خەلکێ سڤیل ژی، ب رێیا بەژاهی و ئاسمانی بەر ب ئیرانێ ڤە هاتنە ڤەگوهەستن.
نیویۆرک تایمز دیار کر: «پێڤاژۆیا دەرخستنا ئیرانیان ژ سووریێ، رۆژا ئینێ دەست پێ کر. بالیۆزخانەیا ئیرانێ ل شامێ ژی ب فەرمی فەرمانا دەرکەتنا هێزێن سوپایا پاسداران و کارمەندێن بالیۆزخانەیێ دا و رێیێن بەژایی یێن لبنان، ئسراق و بەندەرا لازقیێ ژی، وەک رێیێن دەرکەتنێ دەستنیشان کرن.
ئەڤ یەک د دەمەکێ دە یە، گرووپێن چەکدارێن ئۆپۆزیسیۆنا سووریەیێ هەژمارەک باژار و باژارۆکێ ل سووریەیێ خستن بن کۆنترۆلا خوە. رووسیا، ئیراق و ئوردون ژی پەیامێن لەزگین ژ وەلاتیێن خوە یێن ل سووریەیێ رە شاندن کو د زووترین دەم دە ژ وی وەلاتی دەرکەڤن.
