حکوومەتا دەمکی یا سووریەیێ سپاسیا خوە بۆ 8 وەلاتان نیشان دا، کو ژ نوو ڤە دەست ب کارووبارێن خوە یێن دیپلۆماتیک ل شامێ کرنە.
وەزارەتا راگەهاندنێ یا حکوومەتا دەمکی یا سووریەیێ ئیرۆ 12 بەرچلە د داخویانیەکێ دە سپاسیا مسر، ئیراق، سعوودیە، ئیماراتا عەرەبی، ئوردن، بەحرەین، عۆمان و ئیتالیایێ کر، ژ بەر کو ژ نوو ڤە دەست ب کارووبارێن خوەیێن دیپلۆماتیک ل سووریەیێ کرنە.
د داخویانیێ دە ھات گۆتن ژی: “ئەم جارەکە دن تەکەز دکن کو قەتەر و ترکیە دێ راستەراست بالیۆزخانەیێن خوە ل سووریەیێ ڤەکن.”
ھەروھا گۆت: “گەلێ سووریەیێ ڤێ پشتەڤانیێ ژ بیر ناکە و ئەم ھەموو ھێڤی دکن کو ب ھەموو وەلاتێن کو رێزێ ل ئیرادەیا گەل، سەروەریا دەولەتا سووریەیێ و یەکپارچەییا وێ دگرن، پێوەندیێن باش دەینن.”
بالیۆزخانەیا سووریەیێ ل بەغدایێ ژی پشتی دو رۆژان ژ رووخاندنا رێژیما بەشار ئەسەد د 8 بەرچلەیا 2024 دە، ئالا نوویا سووریەیێ بلند کربوو، وەک نیشانا گوھەرتنا دیمەنا سیاسی ل سووریەیێ.
چەکدارێن ئۆپۆزسیۆنا سووریێ رۆژا 8 بەرچلە گھیشتن شامێ و لگەل داویکرنا دەستھلاتا بەشار ئەسەد دە، داوی ل دەستھلاتا پارتیا بەعس ل سووریێ ئانین. فەرماندارێ ھێزێن ئۆپۆزیسیۆنا سووریەیێ محەمەد ئەل-بەشیر ژ بۆ برێڤەبرنا حکوومەتا ڤەگوھێز ھەتا سەرێ مەھا ئادارا 2025 ئەرکدار کر.”
