ده‌وله‌تا ترك د ئیسال 2024ێ ده 10 هه‌زار و 297 كه‌س ل ناڤا تركیه‌یێ ب سه‌ده‌ما په‌كه‌كێ بنچاڤ كرنه، هه‌ر وها د ئۆپه‌راسیۆنێن ئه‌وله‌هیێ ده 779 په‌كه‌كه‌یی كوشتنه.
ئاژانسا ئه‌نادۆل كو مه‌دیایا فه‌رمی یا ده‌وله‌تێ یه، ئیرۆ رۆژا شه‌می 14/12/2024ێ به‌لاڤ كر كو د ئیسالێ ده 44 هه‌زار و 882 ئۆپه‌راسیۆن ل دژی په‌كه‌كێ ل تركیه‌یێ هاتنه ئه‌نجام دایین، د ڤان ئۆپه‌راسیۆنان ده 10 هه‌زار و 297 كه‌س هاتنه ده‌سته‌سه‌ر كرن.
هه‌روه‌ها ده‌ستنیشان كر، د ئۆپه‌راسیۆنێن ئه‌وله‌هیێ یێن سالا 2024ێ ده 779 په‌كه‌كه‌یی ل ناڤ تركیه‌یێ هاتنه كوشتن.
هات راگهاندن، د چارچۆڤەیا ئۆپەراسیۆنێن 2024ێ ده، 38 ئه‌ندام و كه‌سێن گرینگ یێن په‌كه‌كێ كو د لیستا كه‌سێن لێگه‌رین ل سه‌ر ده نه، هاتنه كوشتن.
