ل باژارێ منبجێ بنپێکرنێن مافێن وەلاتیان ب ئاوایەکی بەرفرەھ تێن کرن و سەدان سڤیل ژ ئالیێ کۆمێن چەکدارێن سەر ب ترکیەیێ ڤە ب زۆرا چەکان مال و ملکێن وەلاتیێن سڤیل ددزن و تالان دکن.
رەوانگەھا سووری بۆ مافێن مرۆڤان بەلاڤ کر، پشتی کو چەکدارێن سەر ب ئارتێشا نشتمانی یا ئۆپۆزیسیۆنا سووریەیێ کەتن باژارێ منبجێ و کۆنترۆل کرن، چەکداران دەست ب دزینا مال و ملکێن سڤیلان کرن.
دا زانین ژی، گەلەک وەلاتی ل منبجێ راستی ئێریشێن چەکداران تێن و ب ئاوایەکی کەیفی ئۆتۆمبیلێن وان ددزن و مال و ملکێن وان دەستەسەر دکن.
ژ ئالیێ خوە ڤە، خەلکێ باژێری ژ بۆ شەرمەزارکرنا تاوانێن گرووپێن چەکدارێن (ئەل-ئەمشات و ئەل-ھەمزات) ئیرۆ دەست ب گرەڤا گشتی کر و دکان و بازار ھاتن گرتن.
گرووپێن چەکدارێن سەر ب ئارتێشا نشتمانی یا ئۆپۆزسیۆنێ سووریەیێ ڤە رۆژا 12 ڤێ مەھێ راگھاندن کو وان لگەل ھێزێن سووریا دەمۆکراتیک (ھەسەدێ) ل منبجێ و گوندەوارێ وێ، لھەڤکرنەک ژ بۆ 4 رۆژان پێک ئانینە.
دیار کر ژی، لھەڤکرن ژ 12 بەرچلە و ھەتا رۆژا دوشەمێ 16/12/2024 ددۆمە. ئارمانجا لھەڤکرنێ ژی ئەوە کو “فرسەندێن پێکانینا تێگھیشتنا مرۆڤی و ئەولەھیێ پەیدا بکە.”
دەستنیشان کر ژی، لھەڤکرنا ئاگربەستا دەمکی ل وێ یەکێ پێک تێ: ھێزێن ھەسەدێ لگەل مالباتێن خوە ژ باژارێ منبجێ و گوندەوارێ وێ ڤەکشن و ھەسەدە گۆرا سولتان سلێمان شاھ رادەستی چەکداران بکە.
