عه‌شیرێن عه‌ره‌بێن ل پارێزگەها رەققا یا باکورێ سووریەیێ سۆز دان کو ئەوێ عەردێن خوە یێن کو ژ سالا 2017ان ڤه د بن داگیرکەریا یه‌په‌گێ/په‌كه‌كێ دا نە، رزگار بکن و ڤەگەرینن.
ئەڤ یەک د ئەنجاما جڤینا نوونەرێن ئێلێن عه‌ره‌بێن رەققایێ دە ل هەرێما گرێ سپی کو بەرێ ژ هەمان رێخستنا تەرۆریست هاتبوو رزگارکرن، هات.
سەرۆکێ مەجلیسا عه‌شیرێن گرێ سپی ئەبوو عودەی جەربۆ د ئاخاڤتنا خوە یا کو کر دە دەستنیشان کر عه‌شیرێن رەققایێ بانگ ل گەلێ خوه یێ د ناڤ رەفێن یه‌په‌گێ/په‌كه‌كێ دە دكن كو دەملدەست ژ وی ڤەقەتن.
ژ ئالیێ خوە ڤە محەمەد ئەبوو حەمزە مەدان، یەک ژ فەرماندارێن لەشکەری یێن ئێلێن رەقایێ یه گۆت، «عه‌شیرێن پارێزگەهێ سۆز ددن گەلێ خوە کو وان ژ زلم و زۆرداریا ب ناڤێ هێزێن سووریەیا دەمۆکراتیک (هه‌سه‌دێ) رزگار بکە».
مەدان بال کشاند سەر وێ یەکێ کو «رەقا پارچەیەک ژ سووریێ یە» و گۆت: «ئەم بانگ ل کورێن خوە یێن کو د ناڤ رەفێن هه‌سه‌دێ دە دكن كو ژ ڤێ رێخستنا جوداخواز ڤەقەتن».
مادان بانگ ل کۆئالیسیۆنا ناڤنەتەوەیی یا کو ئامەریکا پێشەنگیا وێ دکە ژی کر کو پشتگریا خوە یا ژ بۆ یه‌په‌گێ/په‌كه‌كێ قوت بکە.
یه‌په‌گێ و هه‌سه‌دێ د داویا سالا 2017ان دا ب پشتگریا ئامەریکایێ باژارێ رەقایا کو پرانیا خەلکێ وێ عه‌ره‌ب لێ دژین كۆنترۆل كرنه.
