حکوومەتا دەمکی یا سووریەیێ هشیاری دا ئیرانێ
وەزیرێ کارێن دەرڤەیێ حکوومەتا دەمکی یا سووریەیێ ئەسعەد حەسەن شەیبانی هشیاری دا ئیرانێ و گۆت، «دڤێ ئیران رێزێ ل ئیرادەیا خەلکێ سووریەیێ، سەروەری و یەکپەرچەتیا ئاخا وەلات بگرە».
وەزیرێ کارێن دەرڤەیێ حکوومەتا دەمکی یا سووریەیێ ئەسعەد حەسەن ل سەر هەسابێ خوەیێ Xێ بانگی ئیرانێ کر کو رێزێ ل ئیرادە، سەروەری و یەکپارچەییا ئاخا سووریەیێ بگرە.
ئەسعەد حەسەن شەیبانی وها نڤیساندیە:
«دڤێ ئیران رێزێ ل ئیرادەیا خەلکێ سووریەیێ و سەروەری و یەکپارچەییا ئاخا وێ بگرە. ئەم ئیرانێ هشیار دکن کو خوە ژ بەلاڤبوونا کائۆسا ل سووریەیێ دوور بخە و ئەم ئیرانێ ژ ئەنجامێن داخویانیێن ڤێ داویێ بەرپرسیار دبینن»
ژ ئالیێ دن ڤە، سەرۆکێ رێخستنا هەوایی یا سڤیلان یا ئیرانێ حوسێن پورفەرزانە راگهاند کو سەفەرێن ئاسمانی یێن ناڤبەرا ئیران و سووریەیێ ب ئاوایەکی دەمکی هاتنە راوەستاندن.
