كۆمێن چه‌كدار، چه‌ته‌یێن ل سووریێ ب ئه‌حمه‌د شه‌رع ره جڤیان، ژ وان هات خوه‌ستن چه‌كان راده‌ستی ده‌وله‌تێ بكن و بكه‌ڤن د ناڤ سیسته‌ما وه‌زاره‌تا به‌رگریێ ده، لێبه‌لێ پرانییا وان ب چه‌كدانانێ رازی نه‌بوون، ئه‌ڤ ژی دهێته وێ واته‌یێ كو قووناخه‌كه پڕ ئالۆز یا نه ژ ده‌ما ره‌ژیما ئه‌سه‌د چێتر ل پێشییا هه‌ته‌شێ و سه‌رۆكێ وێ ئه‌حمه‌د شه‌رع دكه.
ل داویا هەفتیا بۆری، ئەل-شه‌رع ب سەرکردەیێن کۆمێن چه‌كدار رە جڤیابوو و شێوازا ئارتێشا نوو یا سووریێ ب وان ره گۆتووبێژ کر بوو.
فەرمانداریا گشتی یا نوو یا سووریێ رۆژا سێشەمیا رابووری 24 كانوونا 2024ێ د داخویانیەکێ دە گۆت کو سەرۆکێ وێ ئەحمەد ئەل-شەرع، کو دەستهلاتدارێ دەفاکتۆیێ سووریێ یە، ب نوونه‌رێن 15 كۆمێن “چه‌كدار” رە گهەشتە رێکەفتنەکێ، کو هەموو كۆمێن چه‌كدار وه‌رن هلوەشاندن و دبن سیوانا وه‌زاره‌تا به‌رگریێ ده ببن یه‌ك.
چاڤكانیێن هه‌رێمی راگهاندن كو رێبه‌رێن كۆم و گرووپێن چه‌ته‌یان پرانی ژی ب داخوازیێن ئه‌حمه‌د شه‌رع رازی نه‌بوونه و ئه‌و ناخوازن چه‌كان دانن. تایبه‌ت كۆمێن چه‌ته‌یان یێن وه‌كه سولتان مراد، ئارتێشا ئه‌ل عززه، ئۆده‌یا باشوور و فه‌تحا شامێ و گه‌له‌كێن دن.
فەرمانداریا گشتی یا سووریێ د داخویانیەکێ دە ل سەر تەلەگرامێ دیار کر کو ئەل-شه‌رع ب هەژمارەک ژ سەرکردەیێن کۆمێن لەشکەری رە جڤیا. گۆتووبێژا «شێوەیا سازیا لەشکەری د سووریەیا نوو دە».
هه‌سه‌ده بانكی جڤینێ نه‌كربوو
ئه‌ل شه‌رع هێزێن سووریه‌یا ده‌مۆكراتیك هه‌سه‌ده بانگی ڤێ جڤینێ نه‌كربوو، ته‌ڤی كو فه‌رماندارێن ڤێ هێزێ چه‌ند رۆژان به‌رێ گۆتبوون كو ئه‌و دخوازن ببن به‌شه‌ك ژ ئارتێشا نوو یا سووریێ.
ئەل-شه‌رع رۆژا یەکشەمێ د کۆنگرەکی رۆژنامەڤانی دە ل شامێ لگ ەل وەزیرێ دەرڤەیێ ترکیێ هاکان فیدان گۆت: «ئەم ت جاری رێ نادن کو چەک ل دەرڤەیێ وەلات هەبن، چ ژ ئالیێن شۆرەشگەر و چ ژ ئالیێن کو ل هەرێما (هه‌سه‌دێ) هەنە.
هه‌لوه‌ستێن ته‌ڤلیهه‌ڤ یێن كۆمێن چه‌ته‌یان، قووناغه‌كه پر ئالۆز و ئاسته‌نگدار تێخه پێشیا ئه‌حمه‌د شه‌رع كو ل گۆری چاڤدێران وێ فه‌وزایێ ل سووریه‌یێ بۆ ده‌مه‌كه نه‌دیار درێژ بكه.
