شێورمەندێ پلەبلندێ سەرۆکۆمارێ ترکیەیێ گۆت: “ترکیە وەلاتێ کوردانە و ئەڤ سەدسالە، سەدسالا ترک و کوردانە.”
شێورمەندێ پلەبلندێ سەرۆکۆمارێ ترکیەیێ، محەمەد ئوچوم پەیامەک ل ھەژمارا خوەیا تۆرا جڤاکی “X” بەلاڤ کر و تێ دە گۆت: “ھەموو پێکھاتەیێن وەلاتێ مە، ترک، کورد و یێن دن ژی د ناڤ دە، پێکھاتەیێن رەسەن یێن ترکیەیێ نە.”
محەمەد ئوچوم دبێژە: “کورد بەشەکێ بنگەھین یێ ترکیەیێ و دامەزرینەرێ گەلێ ترکیەیێ یە. ئەڤ سەدسالە، سەدسالا ترک و کوردانە.”
شێورمەندێ ئەردۆگان گۆت ژی: “بیرۆکەیا دو نەتەوەیان، خزمەتا ستراتەژیا ئەمپەریالیستان دکە و ھەولدانا پارچەکرنا ترکیەیێ یە.”
ئەڤ گۆتنێن ئوچوم پشتی وێ یەکێ تێن، پێر شاندەکا دەم پارتیێ ل گرتیگەھا ئیمرالیێ ھەڤدیتن لگەل رێبەرێ پەکەکێ عەبدوللا ئۆجالان کربوو و د داویێ دە ئۆجالان ئامادەبوونا خوە ژ بۆ قۆناغەکا نوو راگھاندبوو و گۆتبوو: “ئەز خوەدی وێ ئەزموون و بریارێ مە کو پشتەڤانیێ بدم پارادیگمایا نوویا برێز باخچەلی و برێز ئەردۆگان.”
