سەرۆکێ گشتی یێ پارتیا کۆماری یا گەل (جەهەپێ) ئۆزگور ئۆزەل، تێکلداری ھەڤدیتنا شاندا پارتیا دەمێ یا ل ئیمرالیێ لگەل رێبەرێ پەکەکێ عەبدوللاھ ئۆجالان هاتیە ئەنجامدان دە داخویانیەک دا.
ئۆزگور ئۆزەل داخویانیا پارتیا دەمێ یا پشتی جڤینێ ژی نرخاند.
“دڤێت پێڤاژۆ ب شەفافی بهێتە رێڤەبرن”
ئۆزەل گۆت: “من داخویانیا برێز پەروین بولدان و سڕی سورەییا ئۆندەر پشتی ھەڤدیتنا ل ئیمرالیێ خوەند. گۆتن کو ئەو دێ وەکی پارتیێن دن هەڤدیتنێ ژ مە بخوازن. د پرەنسیبێ دە ئەم ل سەر ئەساسێ دیالۆگێ نە. ل گەل ھەموو پارتیان ئەم ھەموو رێیێن راگھاندنێ ڤەکری دھێلن.
“ئەم دێ نرخاندنان بکن”
یەک ژ پیڤانێن مەیێن ھەری گرینگ رێزگرتنا ژ حەساسیەتا مالباتێن شەھیدانە. ئەم گەشەدانێن د ڤێ چارچۆڤەیێ دە دشۆپینن، لێ ئاگاھیێن کو د دەستێ مە دە نە ھێژ تێرا شیرۆڤەیەکا کوور ناکن. “پشتی کو ئەم ھوورگولیان ب دەست بخن، ئەم دێ د کۆمیتەیێن خوەیێن رایەدار دە نرخاندنان بکن و لگەل رایا گشتی پارڤە بکن.”
