رێڤەبرێ ئۆفیسا راگھاندنێ د سەرۆکاتیا سووریەیێ دە کەمەل سەقر، زانیاریێن نوو دەربارێ بوویەرێن داویێ یێن بەریا رووخاندنا رێژیما بەشار ئەسەد ئاشکەرە کرن.
سەقر د پۆدکاستا پلاتفۆرما “مەزیژ” دە گۆت: “رووسیا بەرسڤ نەدا داخوازێن بەشار ئەسەد یێن ژ بۆ بکارئانینا بارەگەھا ئاسمانی یا حمێمیمێ، ژ بۆ شاندنا ئالیکاریێن لەشکەری یێن ئیرانێ ژ بۆ ئارتێشا سووریێ، پشتی کەتنا حەلەبێ.”
سەقر دیار کر، ئەسەد د ھەیاما 3 رۆژێن بەری 8 بەرچلە دە، رۆژا کۆنترۆلکرنا شامێ ژ ئالیێ ئۆپۆزسیۆنێ ڤە، نەکاری پێوەندیێ ب سەرۆکێ رووسیایێ ڤلادیمێر پووتین بکە.
گۆت ژی: “ئیرانیان گۆتیە ئەسەد، وان گارانتی وەرنەگرتنە تا کو بکارن فرۆکەیێن ئیرانێ دەرباسی بارەگەھا حمێمیمێ بکن و نەکارینە دەرباسی ئەسمانێ ئیراق و سووریەیێ دەرباس ببن.” تەکەز کر ژی: “رووسیایێ بەرسڤا ئەسەد ل سەر داکەتنا فرۆکەیێن ئیرانێ ل بارەگەھا حمێمیمێ نەدا.
سەقر تەکەز کر ژی، ئیرانیان گۆتیە کو ئامەریکیان گەفا خستنا فرۆکەیا کو ژ ئیرانێ دەرباسی ئاسمانێ ئیراقێ بوویە تا کو بەر ب بارەگەھا حمێمیمێ بچە، خواریە و ئەو فرۆکە نەچار کرنە کو ڤەگەرە.
رێڤەبرێ ئۆفیسا راگھاندنێ د سەرۆکاتیا سووریەیێ گۆت، رەوشا دەزگەھا لەشکەری یا سووریەیێ بەری کەتنا حەلەبێ خراب بوو و نەکاری شەری بکە، لگەل وێ ژی رەوشا ئابۆری ژی تێکچوویی بوو.
سەقر تەکەز کر، ئالیێ ئیراقی د 6 بەرچلە دە ژ سووریەیێ رە راگھاند کو ترکیە نھا ھەر دیالۆگەکێ لگەل بەشار ئەسەد رەد دکە.
بال کشاند سەر وێ یەکێ ژی، نوونەرێ سەرۆکێ رووسیەیێ بۆ سووریەیێ ئالەکساندەر لاڤرەنتەڤ ھەول دا کو ئەسەد رازی بکە کو لگەل ئەردۆگان روونە، لێ ئەسەد رەد دکر.
سەقر تەکەز کر، رەدکرنا ئەسەد ژ بۆ روونشتنا لگەل سەرۆککۆمارێ ترکیەیێ رەجەپ تەییب ئەردۆگان ل سەر داخوازێن رووسیایێ، ل ئالیێ رووسیا خوەش نەدھات.
