سەرۆکۆمارێ ترکیێ ئیرۆ راگهاند کو په‌كه‌كێ ژ بلی هلوه‌شاندنا خوه و دانینا چەکان ت بژارده‌یه‌كه دن نینه.
رەجەپ تایییپ ئەردۆگان ئیرۆ د كۆنگره‌یا پارتیا خوه ده ل ته‌رابزوونێ ئاخڤی و گۆت كو رێخستنا په‌كه‌كێ ژ بلی هلوه‌شاندنا خوه و دانینا چه‌كان ت بژارده‌یه‌كه دن نینه، سه‌رده‌ما ئاڤاكرنا كانتۆنان ب ته‌ڤاهی قه‌دیایه.
د 29ێ کانوونا 2024ان دە، ده‌م پارتیێ ئەنجامێن هەڤدیتنا خوە یا ب رێبەرێ گرتیێ په‌كه‌كێ ئابدوڵاهـ ئۆجالان یا د 28ێ کانوونا یەکەم دە ل گرتیگەها ئیمرالیێ ئەشکەرە کربوو.
ئۆجالان وها گۆت: «ئیرادەیا من هەیە کو تەڤکاریا ئەرێنی یا پێویست ژ بۆ بانگا برێز ئەردۆگان و برێز باهچه‌لی بکم. ئەڤ ژ بۆ ترکیە و هەرێمێ سەردەما ئاشتی، دەمۆکراسی و براتیێ یە».
سەرۆکێ گشتییێ پارتیا تەڤگەرا نەتەوی (مه‌هه‌پێ) دەڤلەت باهچەلی ل سەر هەڤدیتنا ئۆجالان و شاندا ده‌م پارتیێ یا ل گراڤا ئیمرالیێ پەیامەک وەشاندبوو و سه‌ردان ب ده‌ستپێكه‌كه باش حه‌ساب كربوو.
تێ پێشبینی كرن و ل گۆری حه‌سابێن ده‌وله‌تا ترك، ئۆجالان د نه‌ورۆزا ئیسالێ دا بانگا دانینا چه‌كان ل په‌كه‌كێ بكه، ئه‌ڤ یێك ل گۆری گۆتنا ئه‌حمه‌د ترك كو نوو بوویه ئه‌ندامێ شاندا ئیمرالیێ.
