سەرۆککۆمارێ ترکیێ رەجەب تەییب ئەردۆگان سەردانا ئامەدێ کر و د ھەشتەمین کۆنگرەیا رێخستنا ئامەدێ یا ئاک پارتیێ دە ئاخڤی. ئەردۆگان گۆت، ئەو ببریارن شەرێ چل سالی بداوی بکن و ب ڤێ ئارمانجێ گاڤێن گرینگ ئاڤێتنە. ئەردۆگان بانگ ل پەکەکێ کر خوە ھلوەشینە و چەکێن خوە رادەست بکە.
ئەردۆگان گۆت: “ئارامی و چارەنڤیسا ئامەدێ، ئارامی و چارەنڤیسا ترکیێ یە. ئامەد ھەردەم بوویە دەرگووشا پێکڤەژیانێ. براتیا مە براتیا ئیسلامێ و قەدەرێ یە. لێ ھندەکان خوەستن وەلات پارچە بکن. ئەم نھا د قۆناغا داوی یا ڤێ لیستکێ دە نە. دەما گۆتنا تشتێن نوویە. د شەرێ چل سالی دە، ب دەهان هەزار مرۆڤێن مە، سەد ملیار دۆلارێن مە ڤالا چوون.”
ھەروەھا گۆت: “د پرۆسەیێن بەرێ دە دەرفەتێن دیرۆکی ژدەست چوون. ئەم نھا دخوازین رێیەکا ماییندە ببینن. لگەل پێشھاتێن ناڤچەیێ ئەم پەنجەرەیەکا نوو ڤەدکن. دڤێت ئەڤ ژی نەیێ ونداکرن. پێویستە رێخستنا تەرۆرێ خوە ھلوەشینە و چەکێن خوە ب مەرج رادەست بکە. دڤێت ئێدی ئێشێن سەد و پێنجی سالان، تایبەت یێن پێنجی سالێن داوییێ نەمینن.”
