سەرۆکێ گشتی یێ جەهەپێ ئۆزگور ئۆزەل گۆت، پشتەڤانیا وان بۆ پرۆسەیێ ھەیە، لێ نابە ئەڤ یەک ببە بازارا ئازادکرنا ئۆجالان و جارەکە دن ھلبژارتنا ئەردۆگان.
سەرۆکێ گشتی یێ جەهەپێ ئۆزگور ئۆزەل د جڤینا ل گەل رۆژنامەڤانان دە گۆت: “نھا دەولەت باخچەلی بەحسا ئاشتیێ دکە. ل ترکیێ پرسا کورد ھەیە. دڤێت ب رێیێن دەمۆکراتیک بهێتە چارەسەرکرن. جھێ چارەسەریێ ژی پارلامەنتۆیە. ژ بۆ ڤێ پێویستی ب پرۆسەیەکە شافاف و راستەقینە ھەیە.”
ئۆزگور ئۆزەل گۆت ژی: “دڤێت ھەڤنێرینا جڤاکی ھەبە کو یەک ژ وان مالباتێن شەھیدانن. ئەم دخوازین پرس ب رێیێن ئاشتیانە چارەسەر ببە، رۆندکێن چاڤێن داییکان داوی ببن و خوین نەیێ رژاندن. پارە و چاڤکانیێن بۆ شەرێ تەرۆرێ تێن خەرجکرن، دڤێت ژ بۆ بەرژەوەندیا ملەتی و کارێن باش بێن بکارئانین.”
سەرۆکێ گشتی یێ جەهەپێ د ھەمان جڤینا چاپەمەنیێ دە گۆتنێن سەرۆکێ ھلبژارتی یێن ئامەریکایێ دۆنالد ترامپ رەد کر کو گۆتبوو، کورد و ترک ب سالانە دژمنێ ھەڤن و ژ ھەڤ حەز ناکن.
