سەرۆکێ كوریا باشوور یۆئۆن سوک یەئۆلێ کو ژ بەر ئیلانکرنا رەوشا ئاوارتە ژ وەزیفەیا سەرۆکدەولەتیێ هاتبوو دوورخستن، د چارچۆڤەیا لێپرسینا ل سەر وی دە هات دەستەسەرکرن.
ل گۆری نووچەیا ئاژانسا كوریا باشوور یۆنهاپێ، رایەدارێن ئۆفیسا لێپرسینا گەندەلیێ (CIO) ئیرۆ سبەهێ جارا دویەم دەست ب تەڤگەرێ کر دا کو بریارا دەستەسەرکرنا یۆئۆن ب جهـ بینن.
رایەداران یۆئۆن ل خانیێ سەرۆکدەولەتیێ دەستەسەر کر و ئەو ژ بۆ ئیفادەیێ بر ئۆفیسا لێپرسینا گەندەلیێ یا ل گواچەئۆنا ل باشوورێ سیئولێ.
ئەڤ جارا یەکەمە د دیرۆکا وی وەلاتی دە سەرۆککۆمارەک دەما ل سەر کار دەستەرسەرکرن.
یۆئۆن سوک یەئۆل 14ێ کانوونا پێشینا 2024ان رەوشا ئاوارتە راگهاندبوو.
پارلامەنتۆیا كوریا باشوور ژ بەر کو رەوشا ئاوارتە دژی دەستوورێ یە داخوازا دەستگرتنا یۆئۆن سوک یەئۆل کربوو و ژ بەر ڤێ ژ کار هاتبوو دوورخستن.
یۆئۆن، پشتی راگهاندنا رەوشا ئاوارتە ب شاندنا لەشکەران بۆ پارلامەنتۆیێ و هەولدانا ئاستەنگکرنا دەنگدایینا ل دژی بریارێ تێ تاوانبارکرن.
