سه‌رۆككۆمارێ تركیه‌یێ ده‌ربارێ ئازادكرنا رێبه‌رێ زیندانكری یێ په‌كه‌كێ گۆتیه: «حه‌پس مه‌پسا مالێ نینه، ژ كوژه‌رێ زارۆكان ره عه‌فوو نینه».
رۆژنامه‌گه‌ر و نڤیسكارێ رۆژنامه‌یا حورییه‌ت عه‌بدولقادر سه‌لڤی هنه‌ك گۆتنێن ئاردۆگان ده‌ربارێ ئازادكرنا سه‌رۆكێ په‌كه‌كێ عه‌ڤدللا ئۆجالان ڤه‌گوهه‌ستنه و ئه‌شكه‌ره دكه كو تاییپ ئاردۆگان گۆتیه كو حه‌پس مه‌پسا مالێ نینه، ئه‌و ژی ناخوازه ده‌ركه‌ڤه، تشته‌كی ب ناڤێ عه‌فوویێ نینه.
عه‌بدولقادر سه‌لڤی دیار کر کو سەرۆککۆمارێ ترکیەیێ و سەرۆکێ گشتی یێ ئاک پارتیێ رەجەپ تایییپ ئەردۆگان ب پارلامانتەرێن پارتیا خوە رە جڤیایە.
سەلڤی د نڤیسا خوە دە گۆت کو پارلامەنتەر هەری زێدە ل سەر مژارا «حەپسا مالێ» راوەستیانە و پرس ژ ئەردۆگان کرنە.
ئەردۆگان ژی بەرسڤ دایە وان و گۆتیە:
«حەپس مەپسا مالێ نینە. ئەو ژی ناخوازە دەرکەڤە، تشتەکی ب ناڤێ عەفوویێ نینە. ژ کوژەرێ پتكان رە عەفوو نینە».
ل گۆری نڤیسا سەلڤی، ئەردۆگان پشت رە ژی بەرێ خوە دایە وەزیرێ دادێ یلماز تونچ و گۆتیە، «ڤان ژ خەلکێ رە ببێژن».
عه‌بدولقادر سه‌لڤی دیار کر کو ئەردۆگان گۆتیە دڤێ په‌كه‌كه چەکان دەینە و «دڤێ نە تەنێ ل ترکیەیێ، ل ئیراق و سووریەیێ ژی چەک بێ شەرت و مەرج وەرن دانین».
