سەرۆکۆمارێ ترکیێ رەجەپ تەییب ئەردۆگان گۆت، دڤێت ھەموو وەلات دەستێ خوە ژ سووریەیێ ڤەکشینن و گۆت، ئەم دکارین تەرۆریستان تێک ببن.
ئەردۆگان ئیرۆ 15ێ چلە د گۆتارەکێ دە راگھاند، “ئەم وەک 85 ملیۆن دخوازن چەکێ ژ ناڤبەرێ راکن، دیوارێ تەرۆرێ ھلوەشینن و ھەڤدو ب ھێز ھەمبێز بکن.”
ھەروھا گۆت: “رۆژ، رۆژا براتیێ یە. رۆژ رۆژا ڤەکرنا دەریێ حزوورێیە. رۆژ ئەو رۆژە کو ئەم ل ھەموو جوگرافییا خوە ئاشتی، ئارامی و ئەولەھیێ سەردەست بکن. ئەم دخوازین برینێن 40 سالان یێن کو تەرۆرێ ڤەکرنە ب ھەڤ رە بپێچن.”
ئەردۆگان گۆت ژی: “بلا یێن ب سەر بکەڤن نە ئەمپەریالیست بن، کورد، ترک، ترکمەن و عەرەب، بێیی جوداھی ئەم بن. ھەکە بانگا پێویست بێ کرن، رێخستنا تەرۆرێ و شاخێن گرێدایی وێ گاڤێن پێدڤی باڤێژن، یێ کو ب سەر بکەڤە دێ ب ترک و کوردان ڤە ھەموو ترکیە بە.”
ئەردۆگان دەربارێ رەوشا سووریەیێ دە دیار کر، “ئەم وەک رۆژئاڤاییان ل دەولەتا جینارێ خوە نانێرن کو کۆکا براتیا مە ب سەدان سالانە و سینۆرێ مە 911 کیلۆمێترۆیە. ئەم ل سووریەیێ چارەسەرکرنا ھەموو مەسەلەیێن خویشک و برایێن خوەیێن کورد ژی دپارێزن و دشۆپینن و تەمیناتا ئەولەھیا کوردانین.”
سەرۆککۆمارێ ترکیەیێ ئاماژە ب وێ کر: “بلا ھەر کەس دەستێ خوە ژ ھەرێمێ ڤەکشینە. ئەم دێ لگەل خویشک و برایێن خوەیێن سووریەیی د دەمەکێ کورت دە سەرێ داعش، یەپەگێ و ھەموو رێخستنێن تەرۆرێ بپەلچقینن.”
ھەروھا گۆت: “د سەری دە ئیسرایل، دڤێت ھێزێن ئێریشکار یێن ئێریشی ئاخا سووریەیێ دکن دەست ژ تەڤگەرێن خوەیێن ئێریشکار بەردن. ئەڤ نەبە دێ ئەنجام ژ بۆ ھەر کەسی نەرینی بە. ل سووریەیێ نھا تەنگاسیا ھەری مەزن یەپەگەیە کو ژ سێ بەشان بەشەکی ئاخا سووریەیێ داگیر کریە.”
