رێخستنا په‌كه‌كێ ناسنامه‌یا دو چه‌كدارێن خوه یێن ل سالا رابووری كه‌تنه به‌ر ئێریشان راگهاند، یێك ژێ هێژان د ته‌مه‌نا زارۆكتیێ ده یه.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا پێنجشه‌می 16ی چله‌یا 2025ێ ناسناما دو چه‌كدارێن خوه یێك ژێ زارۆك راگهاند كو ل سالا رابووری 2024ێ ل باشوورێ كوردستانێ كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دا نه.
ئه‌ڤ هه‌ردو چه‌كدارێن رێخستنێ كو ناڤێن وان جیگه‌ر ئه‌نوه‌ر و سه‌عدوون حه‌بیب، په‌كه‌كێ ده‌ما ساله‌كێ یه مرنا وان ڤه‌شارتی هشتبوو و ئیرۆ د په‌سنێ وان ده دیسا ئه‌و ب فه‌دا ژ بۆی عه‌بدوللاهـ ئۆجالان دیتنه.
په‌كه‌كه وه‌كه سالێن به‌رێ ئیسال 2025ێ ژی هه‌ر رۆژ وێنه‌یێن كۆمێن كه‌چ و خۆرتێن كوردان د مه‌دیایا خوه ده پارڤه‌دكه، یێن كو ل سال و مه‌هێن به‌رێ د به‌رخوه‌دانا خوه یا ساخته ده دانه كوشتن و مرنا وان ڤه‌شارتی هشتی.
