سەرۆککۆمارێ ترکیەیێ رەجەب تەییب ئەردۆگان ئێڤارا ئینێ بەشداری 8ەمین کۆنگرەیا رێخستنێن شاخێن پارتیێ یێن ل قەیسەریێ بوو. ئەردۆگان ئاخڤی و بەحسا پێڤاژۆیا نوو کر.
ئەردۆگان گۆت:
“مە د 40 سالێن داوی دە ژ بۆ ژناڤبرنا تەرۆرێ زرارێن مادی و جانی دا. ئەم دێ گاڤێن مەزن و پێویست باڤێژن. دەستپێشخەرییا ھەڤکارێ مەیێ هەڤپەیمانیا کۆمارێ دەولەت باخچەلی د دو ھەفتەیێن داوین دا گاڤ ئاڤێتن.” ل پارلامەنتۆیێ لھەڤکرن و تێگھاندنەک پر بەرفرەھ چێبوویە.”
“دخوازم گەل ڤێ یەکێ باش بزانبە. ئەم چ گاڤان باڤێژن، بێ شک ئەم دێ حەساسیەتا مالباتێن شەھیدێن خوە و لەشکەرێن قەھرەمان یێن ل قادا شەری ل بەر چاڤان رە دەرباس بکن. وەرن ئەم ئێشا 40 سالی دەرباس بکن. چ ئارمانج، نیەت و دانوستاندنێن مەیێن ڤەشارتی نینن، ب پشتگریا وە ئەم ب بریارین کو زوو یان درەنگ بگھن ڤێ ئارمانجێ.”
ئەردۆگان گۆت، “ژ بۆ تێکبرنا ڤێ پێڤاژۆیێ گەلەک نووچەیێن دەرەو و ئاگاھیێن شاش ھاتن دایین.” “نووچە، ئیزاحات و داخویانیێن ب ڤی رەنگی نە نیەتەک باشە، کۆمپلۆ نە، ناخوازن دیوارێ تەرۆرێ ھلوەشە، لێ دخوازن ئەڤ رەوشە بەردەوام بکە.
“ئەگەر پەکەکە دەست ژ چەکان بەردە، رێخستنێن خوە ھلوەشینە و ب داوی بکە و وەک پارتیەکا رەسەن د ناڤ پێکھاتەیا سیاسی یا ترکیەیێ دە تەڤبگەرە، وێ 85 ملیۆن ھەموەلاتی سوودێ وەربگرن. لێ ئەگەر بەرۆڤاژی ڤێ یەکێ بکن، گوھ نەدن بانگا مە.” دێ ژ بۆ ئەمپەریالیستان رۆلا قاتلێن کرێگرتی بدۆمینن. ھێز و ئیرادەیا مە ھەیە کو ئەم ل دژی رێخستنێن دن یێن تەرۆریست ئۆپەراسیۆنێن خوە بدۆمینن ھەتا کو داوی ھەموو شەرڤانێن وان ژ ھۆلێ راکن.”
ئەردۆگان گۆت: “ھێزێن دەولەتێ نھا ل جوودی، گابار، توندوراک و گەلیێ باستەرێ نە. جھێ کو ئەم لێ نەبن تونە. ئیرۆ ھەر کەسی ترکیە دیت.” نە رابردوویە، ژ بەر ڤێ یەکێ دڤێت ئەو قەبوول بکن و تشتێ کو ژ وان تێ خوەستن بکن، ب گۆتنەک دن، ب دلخوازی دێ دەڤ ژ چەکان بەردن یان ژی ب دارێ زۆرێ ئەم دێ ب وان بدن کرن. د 100 سالێن نوو یێن ترکیەیێ دە ئەم دێ ژ بۆ وان ئیسپات بکن کو ئەم دێ ترکیەیەکا بێ تەرۆر ئاڤا بکن.”
