ب سه‌ده‌ما په‌كه‌كێ د 9 رۆژان ده‌ تركیێ ب سەدان بۆمبه‌ ل گوندێن دهۆكێ دانه‌

ب سه‌ده‌ما په‌كه‌كێ د 9 رۆژان ده‌ تركیێ ب سەدان بۆمبه‌ ل گوندێن دهۆكێ دانه‌

د 9 رۆژێن رابووری ده‌، بالافرێن شه‌ر یێن ده‌وله‌تا ترك د ته‌عقیبا لڤ و ته‌ڤگه‌رێن په‌كه‌كێ ده‌، ب سەدان بۆمبه‌ ل سه‌ر گوند و هه‌رێمێن دیار یێن ده‌ڤه‌رێن به‌رێ گاره‌، به‌رواری بالا و نهێلیا ل پارێزگه‌ها دهۆكێ باراندنه‌، زرار ل په‌ی ئێریشان هاتنه‌ و شێنیێن وان هه‌رێمان د نیگه‌رانیه‌كه‌ به‌رده‌وام ده‌ نه‌.

ل گۆری ئامارا په‌ڤچوونێن په‌كه‌كێ و ئارتێشا تركیێ یێن ژ 12 چله‌یا ئیسال 2025ێ ڤه‌، گەلەک گوند و گه‌لیێن دیار یێن سینۆرێ پارێزگه‌ها دهۆكێ د ئۆپه‌راسیۆنا په‌نجه‌ ده‌ هاتنه‌ بۆردومان كرن، ده‌وله‌تا ترك ئێریش دژوار كرنه‌، په‌كه‌كێ ژی ته‌ڤگه‌را چه‌كدارێن خوه‌ پێتر نێزی گوندان كریه‌.

ئێریش ووسانە:

ل 12/1/2025ێ:

دەمژمێر 5:12ێ ئێڤاری، بالافرێن شەر یێن دەولەتا ترکیەیێ گەلیێ قەچۆ یێ دکەڤە پشتا گوندێ گوهەرزێ یێ سەر ب دەڤەرا نهێلێ ڤە بۆمبەباران کریە.

دەمژمێر 5:00 ئێڤارێ، بالافرێن لەشکەرێ ترکیەیێ دەردۆرا گوندێ بێبادێ یێ سەر ب ناحیەیا چەمانکێ بۆمبەباران کریە.

ل 13/1/2025ێ:

دەمژمێر 2:48 هەیانی 3:2 پاش نیڤرۆ، بالافرێن شەر یێن لەشکەرێ ترکیەیێ ئاقارێ گوندێ سپیندارێ و چیایێ هنداڤی گەلیێ شێرانە ل دەڤرا بەرێ گارێ بۆمبەباران کریە.

دەمژمێر 11:00 سپێدێ، لەشکەرێ ترکیەیێ د ناڤبەرا گولیێ بێشیلێ و گەلی کورتکێ یێن سەر ب دەڤەرا بەرواری بالاڤە تۆپباران کریە.

دەمژمێر 6:10 سەرێ سپێدێ، لەشکەرێ ترکیەیێ گەلیێ بازێ یێ سەر ب دەڤەرا بەرواری بالا ڤە بۆمبەباران کریە.

ل 15/1/2025ێ:

دەمژمێر 1:30هەیانی 3:5 نیڤرۆ، لەشکەرێ ترکیەیێ ئاقارێ گوندێ مژێ و کەڤنە مژێ یێن سەر ب دەڤەرا بەرێ گارێ ڤە بۆمبەباران کرنە.

دەمژمێر 12:8 شەڤێ، فرۆکەیێن هەلیکۆپتەر یێن ترکیەیێ پشتا گوندێ گوهەرزێ بۆمبەباران کریە.

دەمژمێر 6:30 سپێدێ، بالافرێن شەر یێن ترکیەیێ گەلیێ دێرا یێ سەر ب دەڤەرا بەرواری بالاڤە بۆمبەباران کریە.

ل 16/1/2025ێ:

دەمژمێر 3:12 پاش نیڤرۆ، لەشکەرێ ترکیەیێ ئاقارێ گوندێ مژێ، کەڤنە مژێ و سپیندارێ یێن سەر ب دەڤەرا بەرێ گارێ ڤە بۆمبەباران کرنە.

دەمژمێر 11:54 هەیانی 4:49 ئێڤاری، لەشکەرێ ترکیەیێ ئاقارێ گوندێ مژێ، کەڤنە مژێ، سپیندارێ و گرگاش بۆمبەباران کرنە.

دەمژمێر 4:13 ئێڤاری، لەشکەرێ ترکیەیێ جارەکعە دن ئاقارێ گوندێ مژێ بۆمبەباران کریە.

دەمژمێر 6:50 سپێدێ، بالافرێن شەر یێن ترکیەیێ کێریێ شێلازا یێ سەر ب ناحیەیا کانیماسێ ڤە بۆمبەباران کریە و هەر وەها دەمژمێر 7:00 سبێ، بالافرێن ترکیەیێ گەلیێ دێرا یێ سەر ب ناحیەیا کانیماسێ بۆمبەباران کریە.

دەمژمێر 10:15 سپێدێ، بالافرێن شەر یێن ترکیەیێ گوندێ دەرگەلا موسا بەگێ یێ سەر ب دەڤەرا بەرواری بالا ڤە بۆمبەباران کریە.

ل 18/1/2025ێ:

دەمژمێر 4:30 ئێڤاری، لەشکەرێ ترکیەیێ گوندێ دیسا گوندێ مژێ، کەڤنە مژێ و گرگاش بۆمبەباران کرنە.

دەمژمێر 10:50 سپێدێ، لەشکەرێ ترکیەیێ گەلیێ بێشیلێ یێ سەر ب ناحیەیا کانیماسێ بۆمبەباران کریە، هەر وەها دەمژمێر 1:10 نیڤرۆژێ گەلیێ دێرا ژی بۆمبەباران کریە.

ل 19/1/2025ێ:

دەمژمێر 2:30 شەڤێ، لەشکەرێ ترکیەیێ دیسا گەلیێ بێشیلێ بۆمبەباران کریە.

دەمژمێر 7:10 سپێدێ، بالافرێن شەر یێن ترکیەیێ تونەلا پەکەکێ یا دکەڤە سەرێ چیایێ سوسیا ل رۆژهلاتێ ناحەیەیا چەمانکی بۆمبەباران کریە.

دەمژمێر 7:13 سپێدێ، بالافرێن شەر یێن ترکیەیێ جارەکە دن گوندێ مژێ بۆمبەبارن کریە.

دەمژمێر 10:30 سپێدێ، جارەکە دن گوندێ مژێ و کەڤنە مژێ ژ ئالیێ لەشکەرێ ترکیەیێ ڤە هاتنە بۆمبەبارانکرن.

دەمژمێر 11:3 سپێدێ، لەشکەرێ ترکیەیێ گەلیێ شێلازا یێ سەر ب دەڤەرا بەرواری بالا ڤە بۆمبەباران کریە.

دەمژمێر 3:22 هەیانی 3:30 ئێڤاری، جارەکە دن لەشکەرێ ترکیەیێ گوندێ گرگاش، مژێ و گەلیێ شێرانە بۆمبەباران کرنە.

دەمژمێر 8:15 هەیانی 8:25 شەڤێ، بالافرێن شەر یێن ترکیەیێ دیسا گوندێ مژێ و گەلیێ شێرانە بۆمبەباران کرنە.

ل 20/1/2025ێ:

دەمژمێر 12:30 نیڤرۆ، بالافرێن شەر یێن ترکیەیێ گەلیێ بازێ جارەکە دن بۆمبەباران کریە.

دەمژمێر 3:5 ئێڤاری، لەشکەرێ ترکیەیێ جارەکە دن ئاقارێ گوندی مژێ بۆمبەباران کریە.

دەمژمێر 4:7 ئێڤاری، بالافرێن شەر یێن لەشکەرێ ترکیەیێ پشتا گوندێ گوهەرزێ بۆمبەباران کریە.

ژ خزیرانا سالا رابووری 2024ێ ئارتێشا تركیێ قووناغه‌كه‌ نوو ژ ئۆپه‌راسیۆنا په‌نجه‌ ل دژی په‌كه‌كێ ل باشوورێ كوردستانێ ده‌ستپێكربوو، رۆژانه‌ گوندێن دهۆكێ د ڤێ ئۆپه‌راسیۆنێ ده‌ دهاتن بۆردومان كرن.

ل داوییا سالێ سه‌رۆككۆمارێ تركیێ ره‌جه‌ب تاییب ئاردۆگان گۆت كو ئه‌وێ ل سالا نوو ئێریشێن خوه‌ یێن ب باندۆر ل دژی په‌كه‌كێ ل هه‌ر ده‌رێ ده‌وام بكن،  لوما ژی ژ ده‌ستپێكا سالا نوو ڤه‌ ئارتێشا تركیێ دیسا ئێریشێن هه‌وایی یێن ل دژی په‌كه‌كێ ل باشوورێ كوردستانێ دژوار كرنه‌ و د 9 رۆژێن داوین ده‌ ب ده‌هان جاران ئێریشی گوندێن دهۆكێ كرییه‌.

پوستێن ھەمان بەش