شاندەیا دەم پارتیێ ئیرۆ دێ ژ بۆ هەڤدیتنا ب رێبەرێ رێبه‌رێ زیندان كری یێ په‌كه‌كێ عه‌بدوللا ئۆجالان رە بچە گرتیگەها ئیمرالیێ.
شاندەیا دەم پارتیێ یا وەکی شاندەیا ئیمرالیێ ژی تێ زانین کو ژ پارلامەنتەرێ ستەنبۆلێ سڕی سورەییا ئۆندەر و پارلامەنتەرا وانێ پەرڤین بولدانێ پێک تێ 28ێ کانوونا پێشینا2024ان ل گرتیگەها گراڤا ئیمرالیێ ب عه‌بدوللا ئۆجالان رە هەڤدیتن کربوو.
پشتی هەڤدیتنێ شارەدارێ باژارێ مەزنێ مێردینێ ئاهمەت تورک تەڤلی شاندەیێ ببوو.
شاندەیا دەم پارتیێ پشتی هەڤدیتنا ب ئۆجالان رە ب سەرۆکێ پارلامەنتۆیا ترکیەیێ و ژ بلی ئییی پارتیێ ب هەموو پارتیێن ل پارلامەنتۆیێ رە جڤیابوو.
ئەو شاندە هەر وها چووبوو سەردانا هەڤسەرۆکێن بەرێ یێن هه‌ده‌پێ سه‌لاحه‌ددین دەمیرتاش و فیگەن یوکسەکداغێ.
شاندەیێ ژ بۆ هەڤدیتنا ب ئۆجالان رۆژا 20ێ کانوونا پاشینا 2025ان سەری ل وەزارەتا دادێ یا ترکیەیێ دابوو.
ل گۆری نووچەیا ئاژانسا مه‌زۆبۆتامیایێ شاندەیا دەم پارتیێ دێ ژ بۆ دویەمین هەڤدیتنا ل گەل ئۆجالان ئیرۆ بچە گرتیگەها ئیمرالیێ.
لێ نەهاتیە ئەشکەرەکرن کو د ناڤ شاندەیێ دە کی و کی هەنە.
یەک ژ تشتێن کو رایا گشتی مەراق دکە ئەو ، گەلۆ کا ئاهمەت تورک د ناڤ شاندەیێ دە جهـ بگرە یان نەگرە.
