ئەردۆگان: ئەم دێ ئارمانجا خوە یا ترکیەیا بێ تەرۆر بجیھ بکن

سەرۆککۆمارێ ترکیێ ئەردۆگان ل وانێ راگھاند، ئەو ب بریارین پرسا شەرێ چل سالان داوی بکن و ب ئاوایەکێ لەزتر بگھن ئارمانجا خوە.

پرسا کورد و ھەولێن لێگەرینا چارەسەریێ، د رۆژەڤا پارتیێن سیاسی یێن ترکیێ دە جھەکێ گرینگ دگرە. سەرۆککۆمارێ ترکیەیێ رەجەب تەییب ئەردۆگان، بەشداری کۆنگرەیا ئاک پارتی یا باژارێ وانێ بوو و گۆت، ترکیە دەھان سالان ب پرسگرێکێن ناڤخوەیی ھاتیە مژوولکرن و ژ بەر ڤێ ب پێشنەکەتیە.

ئەردۆگان گۆت: “دەما مە وەلاتێ خوە ژ تەرۆرا چل سالان ب تەمامی رزگار کر، ئەم دێ ب بازدانێ بەر ب ئارمانجێن خوە بچن. ب دلخوەشی دبینم کو، پارتیێن جودا ژی د ناڤا ھەمان ھەستێ دە نە.

دەستنیشان کر، “لاوازبوونا پەکەکێ و شۆرەشا سووریەیێ، کەشووھەوایەکێ ئەرێنی ل ناڤچەیێ دروست کریە. ئەم ڤێ یەکێ بۆ نەھشتنا رێخستنا تەرۆرێ وەک دەرفەتەک دبینن. ئەم دێ ئارمانجا خوە یا ترکیەیا بێ تەرۆر ھەر چاوا بت بجیھ بکن. ئەم دخوازن ب ئارامی و ئاسایی چارەسەر ببە، لێ ئەگەر نێزیکاتیێن دن ھەبن، ئەم د شەرێ خوە دە بەردەوام دبن.”