وەزیرێ کارێن دەرڤە یێ ترکیەیێ هاکان فیدان گۆت: «داخوازا مە ژ ئیراقێ ئەوە کو په‌كه‌كێ وەکی رێخستنەکە تەرۆریست پێناسە بکە».
وەزیرێ کارێن دەرڤەیێ ترکیەیێ هاکان فیدان ئیرۆ چوو بەغدایێ و ل گەل وەزیرێ کارێن دەرڤەیێ ئیراقێ د. فوئاد حسێن جڤیا.
فوئاد حسێن و هاکان فیدان پشتی هەڤدیتنێ د جڤینا هەڤپارا رۆژانەمگەری دە ئاخڤین.
هاکان فیدان دیار کر کو وی د هەڤدیتنا خوە یا ل گەل هەڤتایێ خوە دە فرسەند دیت کو ئەو مژارێن گرینگێن هەر دو وەلاتان و یێن هەرێمی ب بەرفرەهی بئاخڤن.
فیدان دا زانین کو ترکیە ب نێرینەکە ستراتەژیک ڤە تێکلیێن خوە یێن ب ئیراقێ رە دنرخینە و گۆت: «ئیراق چ قاسی ب هێز و دەولەمەند بە، ئارامیا ترکیەیێ ژی دێ ئەو قاسی زێدە ببە، ئیراق چ قاسی ب ئەولە و ئیستقرار ببە ل هەرێمێ ژی ئاشتی و ئارامی دێ ئەو قاسی زێدە ببە».
وەزیرێ کارێن دەرڤەیێ ترکیەیێ ئاماژە ب وێ یەکێ کر کو په‌كه‌كێ سەروەریا ئیراقێ بنپێكریه دکە و گۆت: «د مژارا ئەولەهی دە هەڤکاریا ب ئیراقێ رە ب قیمەتە و وها پێ دە چوو: «ب تایبەتی هەڤکاریا ل دژی تەرۆرێ و تێکۆشینا مە یا ل دژی داعش و په‌كه‌كێ پر گرینگە».
فیدان هه‌ر وها گۆت: «هەری داوی ژ بەر ئێرشا په‌كه‌كێ 2 لەشکەرێن ئیراقێ شەهید بوون. ئەز دخوازم ڤێ راستیێ ب ئاوایەکی هەری خورت ببێژم. په‌كه‌كه ترکیە، ئیراق و سووریەیێ دکە هەدەف. ژ بۆ داهاتوویا هەرێما مە، رەحەتی و ئارامیێ ئەم مەجبورن کو ل دژی تەرۆرێ تێکۆشینەکە هەڤپار بمەشینن. دڤێ ئەم هەموو دەرفەتێن خوە بکن یەک و داعش ژی په‌كه‌كێ ژی ژ هۆلێ راکن. هێڤیا مە یا داوی یا ژ ئیراقێ ئەوە کو ئەو په‌كه‌كێ وەکی رێخستنەکە قەدەغە ئیلان کربوو، وەکی رێخستنەکە تەرۆرێ ژی ناس بکە».
وەزیرێ کارێن دەرڤەیێ ئیراقێ د. فوئاد حسێن ژی د هەمان کۆنگرەیا رۆژنامەڤانیێ دە راگهاند کو وان د جڤینا خوە دە بەحسا پێوەندیێن هەر دو وەلاتان کرنە.
ب گۆتنا فوئاد حسێن وان ب تایبەتی بەحسا رەوشا سووریەیێ کریە.
فوئاد حسێن دا زانین کو ئەو ل گەل برێڤەبریا نوو یا سووریەتێ د پێوەندیێ دەنە و هەول ددن کو هەڤاهەنگیا وان د گەلەک واران دە هەبە.
