پارتیا گەل یا کۆماری (جه‌هه‌په) بریار دا کو د ناڤ 3 مەهان دە نامزەدێ خوە یێ سەرۆککۆماریێ دیار بکە.
ل گۆری دەما یاسایی دێ هلبژارتنا سەرۆککۆماریا ترکیەیێ سالا 2028ان بێ کرن لێ ئەگەر هەیە هلبژارتنا پێشوەخت بێ کرن.
سەرۆکێ گشتییێ جه‌هه‌پێ ئۆزگور ئۆزەل دۆهـ د جڤینا پارتیا خوە یا پارلامەنتۆیێ دە راگهاند کو ئەو دێ نامزەدێ خوەیێ سەرۆککۆماریێ ئەشکەرە بکن و د رۆژا یەکەما پێڤاژۆیا دیارکرنا نامزەدێ سەرۆککۆماریێ دە نە.
مەجلسا پارتیێ یا جه‌هه‌پێ دێ ژ بۆ دەستپێکرنا رۆژا هلبژارتنێن پێشێن دیارکرنا نامزەدێ سەرۆککۆماریێ بجڤە و بریارەکێ بدە.
پشتی بریارا مەجلسا پارتیێ دێ ل 81 رێخستنێن باژاران و 973 ناڤچەیان سندۆق بێ دانین و ژ بۆ نامزەدێ سەرۆککۆماریێ دێ ملیۆنەک و 600 هەزار ئەندامێن پارتیێ دەنگ بدن.
جه‌هه‌په دخوازە پێڤاژۆیا دیارکرنا نامزەدێ سەرۆککۆماریێ د ناڤا 3 مەهان دە بقەدینە.
جه‌هه‌په دێ ژ بۆ دیارکرنا نامزەدێ سەرۆککۆماریێ ب ئالیێن جودایێن جڤاکێ و سازیێن سڤیل رە هەڤدیتنان بکە.
لێ د ناڤ جه‌هه‌پێ دە نامزەدێن هەری بهێز سەرۆکێ پارتیێ ئۆزگور ئۆزەل، سەرۆکێ شارەداریا باژارێ مەزنا ستەنبۆلێ ئەکرەم ئیمامۆگلو و سەرۆکێ شارەداریا باژارێ مەزنا ئەنقەرەیێ مانسور یاڤاشن.
