تەقینەک ل سووریەیێ چێ بوو، کوشتی و بریندار ھەنە

ژ بەر تەقینا ترومبێلەکێ ل ناڤەندا باژارێ منبجێ، ب دەھان کەس ھاتن کوشتن و بریندارکرن.

بەرگریا شارستانی یا سووریەیێ پارڤە کریە، “سبەھا ئیرۆ (دوشەمبێ، 3/2/2025) ترومبێلەکا بۆمبەکری ل ناڤەندا باژارێ منبجێ ل باکورێ سووریەیێ تەقی و د ئەنجامێ دە 15 کەس ھاتنە کوشتن و 15 کەسێن دن ژی بریندار بوونە.”

بەرگریا شارستانی یا سووریەیێ ئاماژە ژی دایە، “تیمێن ھەوارھاتنێ و بەرگریا شارستانی چوونە جھێ وێ تەقینێ و لێکۆلینێن ھێزێن ئەولەھیێ ژی ل سەر وێ روودانێ ھاتنە دەستپێکرن.”

ئەڤ د دەمەکێ دەیە کو، پێر رۆژا (شەمبی، 1/2/2025) ژی ل ناڤەندا منبجێ یا باکورێ سووریەیێ ترومبێلەکا بۆمبەکری تەقیا، د ئەنجامێ دە ژی 9 چەکدار ھاتن کوشتن و 15 کەسێن دن ژی بریندار بوون.