ل گۆر ئاگاهیان سازیا ئیستخباراتا میلی یا ترکیێ (میت)ێ ل کۆبانێ یا رۆژئاڤایێ کوردستانێ ل ھەمبەر یەک ژ بەرپرسێن پەکەکێ/یەپەگێ یێ ب ناڤێ مەحموود ئاگجا کو وەک ئازاد تێ ناسکرن ئۆپەراسیۆنەکا نۆقتەیی ئەنجامدایە و د وێ ئۆپەراسیۆنێ دە ژیانا خوە ژ دەست دایە.
ئاژانسا ئانادۆلو کو زمانحالا فەرمی یا دەولەتا ترکیێ یە، نووچە سپارتیە چاڤکانیێن ئەولەھیێ و راگەھاند، میتێ ل ھەرێما کۆبانێ دەستنیشانکریە کو مەحموود ئاگجا (ئازاد) ل مالەکا ل کۆبانێ د ھەڤدیتنەکی دەیە و ل ھەمبەر وی ئۆپەراسیۆنەکا نۆقتەیی ئەنجامدایە و د وێ ئۆپەراسیۆنێ دە ھاتیە کوشتن.
ل گۆر ھەمان چاڤکانیێ مەحموود ئاگجا (ئازاد) سالا 2006 تەڤلی رەفێن پەکەکێ بوویە و د ئیریشێن رۆژا 29 تەباخا 2015 ل رحایێ ئێریشا ل ھەمبەر ئۆتۆمۆبیلا پۆلیسان هاتیە ئەنجامدان و 2 پۆلیسێن ترک ھاتین کوشتن، ھەروەھا رۆژا 10 تەباخا 2016 دە ل ھەمبەر پۆلیسان ل سوورا ئامەدێ ئێریشەک هاتە ئەنجامدان و بوو سەدەما مرنا 6 ھەموەلاتیێن سڤیل و 9 کەس ژ ھێزێن ئەولەھیێ ب گشتی 17 کەسێن دن ژی بریندار بوون و ھاتیە دەستنیشان کرن کو مەحموود ئاگجا یەک ژ پلاندانەرێن وان ئێریشان بوویە.
هەر وەها ئاژانسا ئانادۆلو ئەشکەرە کر ژ بلی ڤان چالاکیێن ل دژی حکوومەتا ترکیەیێ، مەحموود ئاگجا بەشداری چەندین چالاکیێن دن یێن ب ڤی ئاوا بوویە و تێ دە خوینا ب دەهان کەسێن دن رژاندیە.
