شێورمەندێ ئەولەهیا نشتیمانی یا ئیراقێ ئاماژەیێ ددە، «ئامەریکایێ رۆل د رێگرتنا ل ئسرائیلێ ژ بۆ ئێریشکرنا ل سەر ئیراقێ دە هەبوو». هەروەسا دبێژە، «ئەم بزاڤێ دکن په‌كه‌كێ ژ ئیراقێ دەربخن».
شێورمەندێ ئەولەهیا نشتیمانی یا ئیراقێ قاسم ئه‌عره‌جی ئیرۆ رۆژا ئینی، 7 سباتا 2025ێ تایبەت ژ کانالا «ئەل-عەرەبیە»یێ رە راگەهاند، «مە ب ئامەریکایێ رە لهەڤ کریە کو ل ئیلۆنا سالا 2026ێ ئەرکێ هەڤپەیمانیا ناڤدەولەتی ل ئیراقێ بێ بداویئانین».
شێورمەندێ ئەولەهیا نشتیمانی یا ئیراقێ ئاماژە ژی دا، «ئەگەر ئامەریکا نەبا، ئسرائیلێ دێ ئێریش کربا سەر ئیراقێ، لێ ئامەریکایێ رۆل د رێگرتنا وێ دە هەبوو».
قاسم ئه‌عره‌جی رۆن ژی کر، «هەمی ئالیێن ئیراقێ هەڤنەرینن کو دڤێ چەک تەنێ د دەستێ دەولەتێ دە بە». هەروەسا گۆت، «ئەو نەرینێن دبێژن کو ئیراق پاشکۆیا ئیرانێ یە شاشن».
شێورمەندێ ئەولەهیا نشتیمانی یا ئیراقێ ئەشکەرە ژی کر، «ئەم بزاڤێ دکن کو پارتیا کارکەرێن کوردستانێ (په‌كه‌كێ) ژ ئیراقێ دەربخن».
ناڤبری تەکەز ژی کر، «مە پشتراستی وەرگرتیە کو سنۆرێن مە ب سووریەیێ رە دێ پاراستی بن و چ مەترسیەک د ڤی واری دە نینە». پێدڤی ژی دیت کو ئالیکاریەکە مەزن ژ بۆ رووبرووبوونا تەرۆرێ د ناڤبەرا سووریە و ئیراقێ دە هەبە، کو ئیراقێ د ڤی واری گەلەک بەرژەوەندی ب سووریەیێ رە هەنە.
