ھەسەدێ راگھاند، د 24 دەمژمێرێن داوی دە 14 چەکدارێن سەر ب ترکیەیێ ڤە ھاتن کوشتن، 3 لەشکەرێن ترک و 16 چەکدار ژی بریندار بوون.
ناڤەندا راگھاندنێ یا ھەسەدێ ئیرۆ 8ێ شوباتێ د داخویانیەکێ دە راگھاند، ل ئەنیێن جودا چالاکیێن رەوایێن ھێزێن وان ل دژی ئێرشێن ترکیەیێ و گرووپێن چەکدار بەردەوامن. دوھ ل ئەنیا دێر حافرێ چەکدارەک ھات کوشتن.
دیار کر ژی، ل گوندەوارێ باکورێ بەنداڤا تشرینێ د شەر و پەڤچوونان دە، 3 چەکدار ھاتن کوشتن و 5 ژی بریندار بوون.
ھەروھا گۆت، ل گرێ قەرەقۆزاقێ یێ باشوورێ کۆبانێ 10 چەکدار ھاتن کوشتن، 3 لەشکەرێن ئارتێشا ترکیەیێ و 14 چەکدار بریندار بوون.
ناڤەندا راگھاندنێ یا ھەسەدێ دا زانین ژی، فرۆکەیێن شەرێن گوندێ تینا بۆمبەباران کر. د ئەنجامێ دە زەرارێن مادی ل مال و ملکێن سڤیلان بوون. د ھەمان دەمێ دە گوندێن تینا، جادا، بیر حسۆ، دیکان، خەسەق، مەلھا، پرا قەرەقۆزاقێ و گرێ سێڤێ یێن ل باشوورێ کۆبانێ ھاتن تۆپبارانکرن. ژ بەر تۆپبارانێ زەرارێن مادی چێبوون.
