ھەڤسەرۆکێ گشتی یێ دەم پارتیێ تونجەر باکرھان دیار کر، ئۆجالان دێ د دەمەکێ نێزیک دە نەخشەیا چارەسەریا دەمۆکراتیکا پرسگرێکا کورد ژ بۆی رایا گشتی ئەشکەرە بکە.
ھەڤسەرۆکێ گشتی یێ پارتیا وەکھەڤی و دەمۆکراسیێ یا گەلان (دەم پارتی) توونجەر باکرھان د میتینگا “ژ بۆ ئاشتیێ ئازادی” یا ل قادا ئیستاسیۆنێ یا دیاربەکرێ ھات لدارخستن دە ئاخڤی.
باکرھان گۆت: “ئۆجالان نەخشەرێیا ئاشتیێ ئامادە دکە. نەخشەرێیێ تەنێ نە ژ بۆ کوردان ژ بۆ ھەموو باوەری و نژادێن ل ترکیەیێ ب ئاوایەکی وەکھەڤ بژین ئامادە دکە. برێز ئۆجالان دخوازە کو ترکیە دەمۆکراتیک ببە. برێز ئۆجالان دخوازە کو کورد ب ئاوایەکی ئازاد ب زمانێ خوە باخڤە و ب زمانێ دایکێ پەروەردە ببە. برێز ئۆجالان دخوازە کو قەیووم تەعیینی ڤینا گەلێ کورد نەیێ کرن.”
ھەروھا باکرھان گۆت: “برێز ئۆجالان ب مسۆگەرکرنا ئاشتیێ دخوازە ترکیە ل رۆژھلاتا ناڤین ببە وەلاتەکی بھێز. ب مسۆگەرکرنا ئاشتیێ دێ ترکیە ب رەفۆرمێن دەمۆکراتیک ل ھەرێمێ ببە میناک. برێز ئۆجالان نەخشەرێیەکا کو ھەر کەس ب ناسنامەیا خوە ب ئازادی بژی ئامادە دکە.”
ھەڤسەرۆکێ گشتی یێ دەم پارتیێ تەکەز کر ژی: “کورد، نە کوردێن سەدسال بەرێ نە. کورد نە ئەو کوردن کو ل سەر مێزەی بێن خاپاندن.”
