سەرۆککۆمارێ ترکیێ راگهاند، “چ کەسەک نکارە خەلکێ غەززەیێ ژ سەر ئاخا وان دەربخە.” ھەروەسا گۆت، “ئەم پلانا سەرۆکێ ئامەریکایێ دۆنالد ترامپ ژ بۆ ڤەگوھاستنا فلستینیان و کۆنترۆلکرنا وی کەرتی رەد دکن.”
ئەردۆگان د کۆنفەرانسەکا رۆژنامەڤانی دە گۆت، “چ کەسەک نکارە خەلکێ غەززەیێ ژ سەر ئاخا وان دەربخە.” ھەروەسا گۆت، “ژ بۆ مە پێدڤی ناکە کو ئەم دانوستاندنان ل سەر پلانا ترامپ ژ بۆ غەززەیێ بکن یان ژی ب جدی ڤە وەربگرن.”
سەرۆککۆمارێ ترکیەیێ تەکەز ژی کر، “ئەڤ پلان ب تەمامی بێ رامانە. چ کەسەکی ئەو دەستھلات نینە کو خەلکێ غەززەیێ ژ وارێ وان دەربخە. خەلکێ غەززەیێ دێ ل سەر مانا خوە بەردەوام بە و دێ ل وێ دەرێ بژی و ئاخا خوە بپارێزە.”
سەرۆکێ ئامەریکایێ دۆنالد ترامپ راگەھاند کو، پابەندی کرین و خوەدیتیا غەززەیێ یە و موومکنە پارەکێ بدە وەلاتێن دن یێن رۆژھلاتا ناڤین ژی ژ بۆ کو وێ ئاڤەدان بکن.
ئاگربەستا غەززەیێ ب ناڤبەینکاریا مسر و قەتەر و ئامەریکایێ ل رۆژا یەکشەمبێ (19/1/2025) چوو د وارێ بجھانینێ دە، دەما قۆناغا یەکێ یا وێ ئاگربەستێ ژی دێ 42 رۆژ بن، دانوستاندن دێ ژ بۆ قۆناغا دویێ و پاشتر قۆناغا سێیێ ژی بەردەوام بن.
د چارچۆڤەیا لھەڤکرنا وێ ئاگربەستێ دە، ھەتا نھا 21 رەڤاندیێن ئیسرایلی و بیانییێن ل بن دەستێ حەماسێ و 783 زندانیێن فلستینی یێن ل ناڤ زندانێن ئیسرایلێ ھاتنە ئازادکرن. ھەروەسا شەر ھاتیە راوەستاندن و ب سەدان بارھلگرێن ئالیکاریێن مرۆڤی ژ بۆ وی کەرتی ھاتنە گەھاندن.
